ဒုဌဝတီမြစ်အတွင်း ရေဆင်းချိုးသည့် လူငယ် ၁ ဦး ရေနစ်သေဆုံး
lusane
·
November 30, 2022
မန္တလေးခရိုင်၊ အမရပူရမြို့နယ်၊ တောင်ကိုင်းကျေးရွာအနီး ဒုဌဝတီမြစ်အတွင်း နိုဝင်ဘာ ၃၀ ရက် မွန်းလွဲ ၂ နာရီခွဲလောက်က လူငယ်တဦး ရေဆင်းချိုးရာကနေ ရေနစ်သေဆုံးခဲ့ပါတယ်။
သေဆုံးသူဟာ အသက် ၂၁ နှစ်အရွယ် အမျိုးသားတဦးဖြစ်ပြီး မြန်မာနိုင်ငံ လူမှုကယ်ဆယ်ရေးအသင်း - မန္တလေးတိုင်းဒေသကြီးက သွားရောက်ကယ်ဆယ်ခဲ့တယ်လို့ သိရပါတယ်။
“သေဆုံးသူက အသက် ၂၁ နှစ်။ ပြည်ကြီးတံခွန် ထိန်ကုန်းဘက်ကတဲ့။ ရေကစားရင်းနဲ့ ရေနစ်ပျောက်ဆုံးသွားတာကို အသင်းကို ဆက်သွယ်လာလို့ ကူညီကယ်ဆယ်ရေး လုပ်ပေးခဲ့တယ်” လို့ မြန်မာနိုင်ငံ လူမှုကယ်ဆယ်ရေးအသင်း - မန္တလေးတိုင်းဒေသကြီးမှ တာဝန်ရှိသူတဦးက ဆိုပါတယ်။
ရေနစ်သူ အမျိုးသားကို မြန်မာနိုင်ငံ လူမှုကယ်ဆယ်ရေးအသင်း - မန္တလေးတိုင်းဒေသကြီးရဲ့ Rescue Diver Team (Myanmar) က ရှာဖွေရာ ရှာဖွေချိန် ၁၃ မိနစ်မှာ ရုပ်အလောင်းကို တွေ့ရှိခဲ့တယ်လို့ သိရပါတယ်။
