စစ်ကိုင်းတိုင်း၊ ဝက်လက်မြို့နယ်အတွင်း စစ်ကြောင်းထိုးလာတဲ့ စစ်ကောင်စီတပ်က ကားတစီး နိုဝင်ဘာ ၂၀ ရက် နေ့လယ် ၁ နာရီ မိနစ် ၄၀ လောက်က မိုင်းဆွဲတိုက်ခိုက်ခံခဲ့ရပါတယ်။
အင်အား ၃၅ ဦးခန့်ပါဝင်တဲ့ စစ်ကောင်စီတပ်ကားဟာ ဝက်လက်မြို့ကနေ ခေါတောကျေးရွာကို စစ်ကြောင်းထိုးဖို့ ထွက်လာတာဖြစ်ပြီး လမ်းမှာ မိုင်းဆွဲတိုက်ခိုက်ခံလိုက်ရတာဖြစ်တယ်လို့ သိရပါတယ်။
စစ်ကောင်စီတပ်ဖွဲ့ဝင်တွေကို ပဒေသာမိုင်း ၆ လုံးဆွဲ တိုက်ခိုက်ခဲ့တာဖြစ်ပြီး ကားဟာ လမ်းဘေးထိုးကျကာ စစ်ကောင်စီတပ်သား ၁၀ ဦး သေဆုံးဒဏ်ရာရတယ်လို့ အာဏာရှင်စနစ်တိုက်ဖျက်ရေး ပြည်သူ့တပ်ဖွဲ့ (PAFD) က ထုတ်ပြန်ထားပါတယ်။
ဒါ့အပြင် အပြန်အလှန်ပစ်ခတ်မှုတွေ ဖြစ်ခဲ့ပြီး ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက်မရှိ ဆုတ်ခွာနိုင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
အခုတိုက်ခိုက်မှုကို People's Army To Fight Dictatorship (PAFD ဝက်လက်)၊ ဗိုလ်လှိုင်ဘွားအဖွဲ့ တပ်ခွဲ DK PDF (MMU)၊ People's knight Defense Force Myinmu (PKDF-MMU)၊ TAUNGTHA People Defense Force (TTAPDF)၊ D.B.B.F-MMU မဟာမိတ်အဖွဲ့တွေ ပူးပေါင်းလုပ်ဆောင်ခဲ့တာလို့ သိရပါတယ်။
