ခန္တီးအကျဉ်းထောင်ဖောက်ပြီး နိုင်ငံရေးအကျဉ်သားအချို့ ထွက်ပြေးလွတ်မြောက်
DVB
·
October 18, 2022
စစ်ကိုင်တိုင်း ခန္တီးမြို့ အကျဉ်းထောင်မှာ အောက်တိုဘာ ၁၈ ရက်နေ့မနက်က ထောင်ဖောက်ပြီး နိုင်ငံရေးအကျဉ်းသားအချို့ လွတ်မြောက်သွားတယ်လို့ ဒေသခံတွေက ပြောပါတယ်။
“ဒီမနက် ၃ နာရီမှာ ခန္တီးမြို့နဲ့ ၃ မိုင်အကွာမှာရှိတဲ့ အကျဉ်းထောင်ဖောက်ခံရတယ်။ မနက် ၃ နာရီလောက်ဖြစ်မယ်။ ကျနော်တို့ သိတာ မနက် ၅ နာရီလောက်မှာ ခန္တီးထောင်ဖောက်ခံရတယ်လို့ သိရတယ်၊ ၁၀ ဦးလောက်ရှိမယ် ထွက်ပြေးတယ်” လို့ ခန္တီးဒေသခံတဦးက ပြောပါတယ်။
ထောင်ဖောက်မှုဖြစ်ပွားပြီးနောက် စစ်ကောင်စီတပ်က ခန္တီးမြို့တွင်း စစ်ကား ၁၀ စီးနဲ့ လက်ဖက်ရည်ဆိုင်တွေကအစ ပိတ်ဆို့ရှာဖွေနေပြီး ကုန်းလမ်း၊ ရေလမ်း ပိတ်ထားတယ်လို့ ဒေသခံတဦးက ပြောပါတယ်။
ခန္တီးအကျဉ်းထောင်ဖောက်ခံရပြီး ဘယ်သူတွေ လွတ်မြောက်သွားတယ်ဆိုတာ မသိရသေးဘဲ ဒီဗွီဘီက စုံစမ်းမေးမြန်းနေဆဲ ဖြစ်ပါတယ်။
