စိန်ခေါ်မှုတွေပြည့်နေတဲ့ အင်ဒိုနီးရှားရွေးကောက်ပွဲ

အင်ဒိုနီးရှားနိုင်ငံမှာ လာမဲ့ ဧပြီ ၉ ရက်နေ့ကျရင် ကျင်းပမယ့် လွှတ်တော် ရွေးကောက်ပွဲမှာ မဲပေးခွင့်ရှိသူ သန်း ၁၉၀ နီးပါး ရှိနေပါတယ်။ လွှတ်တော် ရွေးကောက်ပွဲမှာ ရရှိတဲ့ လွှတ်တော်အရေအတွက်နဲ့ မဲအနည်းအများဟာ နောက်ထပ် ၃ လအကြာမှာ ကျင်းပမယ့် သမ္မတရွေးကောက်ပွဲမှာ သမ္မတလောင်းစာရင်း တင်သွင်းနိုင်ခွင့်ကို အဆုံးအဖြတ်ပေးမှာမို့ ပါတီတွေအတွက် အရေးကြီးတဲ့ကိစ္စ ဖြစ်ပါတယ်။ imagesလောလောဆယ် အင်ဒိုနီးရှားမှာ လူနေမှုစရိတ်တွေ မြင့်တက်နေတာနဲ့ ၀င်ငွေ မညီမျှတာ တွေဟာ မဲဆန္ဒရှင်တွေအတွက် အဓိက ဦးစားပေး ဖြေရှင်းပေးရမယ့် ပြဿနာ ဖြစ်နေပါတယ်။ အင်ဒိုနီးရှား စီးပွားရေးအရွယ်အစားဟာ ကမ္ဘာမှာ တတိယအကြီးဆုံးဆိုပေမယ့် မြို့တော် ဂျကာတာမှာ ဆင်းရဲချမ်းသာကွာဟမှုက မြင့်မားပါတယ်။ အင်ဒိုနီးရှား လူဦးရေ သန်း ၂၄၀ ရဲ့ ၁၁ ရာခိုင်နှုန်းဟာ ဆင်းရဲမှုမျဉ်းအောက်မှာ ရှိနေပြီး နောက်ထပ် ၃၀ ရာခိုင်နှုန်းကလည်း ဆင်းရဲမှုမျဉ်းအထက်နားလေးမှာပဲ ရှိနေတယ်လို့ တရားဝင် ကိန်းဂဏန်းတွေက ဖော်ပြနေပါတယ်။ ရွေးကောက်ပွဲမှာ အနိုင်ရတဲ့ ခေါင်းဆောင်သစ်ဟာ ဒီပြဿနာတွေကို ကိုင်တွယ်ရဖွယ် ရှိပါတယ်။ အကြိုစစ်တမ်းတွေအရ အတိုက်အခံ အင်ဒိုနီးရှား ဒီမိုကရက်တစ်ပါတီက လွှတ်တော် ရွေးကောက်ပွဲမှာ အမတ်နေရာ အများဆုံး အနိုင်ဖွယ်ရှိနေပြီး ပါတီရဲ့ သမ္မတလောင်း လက်ရှိ ဂျကာတာမြို့တော်ဝန် ဂျိုကို ၀ီဒိုဒိုဟာ သမ္မတရွေးကောက်ပွဲမှာ အလွယ်တကူပဲ အနိုင်ရမယ် ဆိုတာကို ပြသနေပါတယ်။ ဂျိုကိုဝီက ဂျကာတာမြို့တော်မှာ ရေကြီးတဲ့ပြဿနာ၊ ကားကျပ်တဲ့ပြဿနာနဲ့ ကျူးကျော် ၁ သန်းလောက်ကို နေရာ ပြန်ချထားရေးကိစ္စတွေကို ရည်မှန်းချက်ကြီးကြီး ထားပြီး ဖြေရှင်း ဆောင်ရွက်ပေးမယ်လို့ ကတိပြုထားပါတယ်။ ဂျကာတာမှာ မနှစ်ကစလို့ အနိမ့်ဆုံးလစာကို အင်ဒိုနီးရှားငွေ ၂ ဒသာမ ၄ သန်း ( အမေရိကန်ဒေါ်လာ ၂၁၃) သတ်မှတ်ထားပေမယ့် အကျိုးမခံစားရတဲ့ ၀င်ငွေနည်း အုပ်စုတွေလည်း ရှိနေပါတယ်။ ဆ၀ါထရီက ဆင်းရဲသားရပ်ကွက်မှာ လမ်းဘေးဈေးသည် ဖြစ်ပါတယ်။ “ပိုက်ဆံရှာရတာ အရမ်း ခက်ခဲလာတယ်။ သမ္မတကလည်း ကိုယ်တွေကို လှည့် မကြည့်ဘူး။ ဒီကြားထဲမှာ သဘာဝဘေးအန္တရာယ်တွေကလည်း ကြုံနေရတော့ ပိုဆိုးတာပေါ့”လို့ ပြောပါတယ်။ မနှစ်က သဘာဝကပ်ဘေးတွေ ကြုံရပြီး ကုန်ဈေးနှုန်းတွေ မြင့်တက်သွားတာကို ရည်ညွန်းပြီး ပြောသွားတာ ဖြစ်ပါတယ်။ ဆ၀ီထရီလိုဘ၀တူ နောက်တယောက်ကတော့ အ၀တ်ငှားလျှော်တဲ့ ရီရင်း ရာဟူယုပါ။ အင်ဒိုနီးရှားမှာ ဒုတိယအကြီးဆုံးမြို့ဖြစ်တဲ့ ဆူရာဘာယာမြို့မှာ နေပါတယ်။ ရာဟူယုဟာ အရင်က အင်ဒိုနီးရှားမှာ နာမည်ကျော် ပျော်ပွဲစားရပ်ကွက်ဖြစ်တဲ့ ဒေါ်လီ နယ်မြေမှာ ပြည့်တန်ဆာ လုပ်ခဲ့ဖူးပါတယ်။ မြို့တော်အစိုးရရဲ့ အစီအစဉ်နဲ့ အသက်မွေးဝမ်းကြောင်း သင်တန်းလည်း တက်ခဲ့ ဖူးပါတယ်။ သင်တန်းပြီးတဲ့အခါ ကိုယ်ပိုင်စီးပွားရေးလုပ်ငန်း ထောင်ပြီး ရင်းနှီးမြှုပ်နှံဖို့ အစိုးရက အင်ဒိုနီးရှားငွေ ၃ သန်း (အမေရိကန်ဒေါ်လာ ၂၆၄ ) အရင်းအနှီး ထုတ်ပေးခဲ့ပါတယ်။ ဒါပေမယ့် အစိုးရရဲ့ အကူအညီဟာ ဆင်ပါးစပ် နှမ်းပက်သလောက်ပဲ ဖြစ်ခဲ့တယ်လို့ ပြောပြပါတယ်။ “အစိုးရက သင်တန်းပေးတယ်၊ အရင်းအနှီး ထုတ်ပေးတယ်။ ဒါပေမယ့် အရင်က ကိုယ်တွေရတဲ့ ၀င်ငွေနဲ့ယှဉ်ရင် တခြားစီပဲလေ။ ဒီလောက် ပိုက်ဆံက ၁ ပတ်လောက်ဆို ကုန်ပြီလေ၊ အခုဆိုရင် တက္ကသိုလ်တွေက ဘွဲ့ရတဲ့လူတွေတောင် အလုပ်ကောင်းကောင်း ရဖို့ အရမ်း ခက်နေတယ်။” အင်ဒိုနီးရှားမှာ ပြည်သူတွေဟာ နှေးကွေးလွန်းတဲ့ ဗျူရိုကရေစီယန္တယားနဲ့ အသားကျနေပါတယ်။ လာဘ်ကို မျှော်တဲ့ အရာရှိဆိုးတွေက ပညာပြတာကိုလည်း ခံကြရပါတယ်။ ဒီအခြေအနေမှာ ဂျိုကိုဝီဟာ နေ့တိုင်းလိုလို ဂျကာတာမှာ ဆင်းရဲသားရပ်ကွက်တွေအထိ ဆင်းပြီး အခြေအနေကို စနည်းနာတဲ့အတွက် ပြည်သူတွေက သဘောကျကြပါတယ်။ “ဂျိုကိုဝီအနိုင်ရရင် ကျော်ဖြတ်ရမယ့် ပြဿနာတွေက မနည်းပါဘူး။ လက်တွေ့မှာ ဘယ်အတိုင်းအတာအထိ ဆောင်ရွက်နိုင်မလဲဆိုတဲ့ မေးခွန်းတွေ ရှိပါတယ်။ ဗျူရိုကရေစီ ပြဿနာတွေကို ကိုင်တွယ်ရမယ်။ စီးပွားရေး ကဏ္ဍတွေအတွက် စိတ်မချစရာ ဖြစ်နေတဲ့ ဥပဒေမျိုးစုံကိုလည်း ကိုင်တွယ်ရမယ်။ အထူးသဖြင့် မြေအောက်သံယံဇာတ ထုတ်ယူတဲ့ ကဏ္ဍနဲ့ ဓာတ်ငွေ့တူးဖော်တဲ့ ကဏ္ဍနဲ့ ဆိုင်ပါတယ်။”လို့ Standard Chartered Bank ရဲ့ အကြီးတန်း လေ့လာသုံးသပ်သူ ဖော်အ်ုဇီ အစ်ဆန် (Fauzi Ichsan)က ပြောပါတယ်။ ဂျိုကိုဝီဟာ ရိုးသားဖြောင့်မတ်ပြီး ကောင်းမွန်တဲ့ ခေါင်းဆောင်မှုပုံစံကို တနိုင်ငံလုံးက အသိအမှတ်ပြု ထောက်ခံကြပေမယ့် စီးပွားရေးပေါ်လစီနဲ့ ပတ်သက်လို့တော့ တိကျတဲ့ ပေါ်လစီတွေကို မတွေရသေးပါဘူး။

//
More News
Up