ရန်ကုန်ရဲ့ သူပုန်များသပိတ်ကော်မတီ (YRSC) နဲ့ မဟာမိတ်အင်အားစုများပူးပေါင်းကာ "လွတ်မြောက်ခြင်းကို ပုန်ကန်ခြင်းနဲ့စတင်ကြ" စာသားကိုင်ဆောင်ကာ ဖက်ဆစ်ဆန့်ကျင်ရေး ချီတက်သပိတ်မှောက်ခဲ့ပါတယ်။
ဒီလှုပ်ရှားမှုကို YRSC က ဦးဆောင်ပြုလုပ်ပြီး ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ဝင်သမဂ္ဂများ၊ ပုဇွန်တောင်၊ ဗိုလ်တထောင်လူငယ်များသပိတ်ကော်မတီ (PBYSC)၊ Yangon Revolution Force-YRF(Soft strike Community)၊ Yankin Protests၊ ဗမာ့လူငယ်ကွန်ရက်-ဗလက၊ ထားဝယ်မြို့နယ် အခြေခံပညာကျောင်းသားများသမဂ္ဂ (ထဝအကသ)၊ လှိုင်သာမြို့နယ် အခြေခံပညာကျောင်းသားများသ မဂ္ဂ (လသယအကသ)၊ ရန်ကုန်အရှေ့ပိုင်း တက္ကသိုလ်ကျောင်းသားများသမဂ္ဂ (ရရတကသ) တို့မှ ပူးပေါင်းအင်အားဖြည့် ချီတက်ဆန္ဒပြခဲ့တာဖြစ်ပါတယ်။
ဒီသပိတ်စစ်ကြောင်းမှာ "လုံးဝအုပ်ချုပ်ခွင့်မရစေရ"၊"No God,No Master,No Justic,No Peace"၊"Vivala Revoluta (တော်လှန်ရေးအဓွန့်ရှည်ပါစေ)" စတဲ့ စာသားတွေလည်း ကိုင်ဆောင်ခဲ့ပါတယ်။ စစ်အာဏာရှင်နဲ့ ဖက်ဆစ်စစ်တပ်က အကြမ်းဖက်ဖမ်းဆီးနေပေမယ့် ပြောက်ကျားသပိတ်တွေဟာ ဆက်ရှိနေဆဲပါ။
ဓာတ်ပုံ-လူငယ့်ခေတ်