ဟုမ္မလင်းမြို့နယ် ရွှေပြည်အေးမြို့ ထွေ/အုပ်ရုံးကို ရှမ်းနီလက်နက်ကိုင်အဖွဲ့ (SNA) တိုက်ခိုက်

စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့မှာရှိတဲ့ စစ်ကောင်စီလက်အောက်ခံ ထွေ/အုပ်ရုံးကို ရှမ်းနီလက်နက်ကိုင်အဖွဲ့ (SNA) က မေ ၂၇ ရက်မှာ  ဝင်ရောက်တိုက်ခိုက်ခဲ့တယ်လို့ ဒေသခံတွေထံက သိရပါတယ်။ 

ဒေသခံ တဦးက “နေ့လယ် ၁၂ နာရီကျော်လောက် ရွှေပြည်အေးထွေ/အုပ်ရုံးကို ရှမ်းနီ လက်နက်ဝင်ရောက်တိုက်ခဲ့တယ်။ ထွေအုပ်နဲ့ ရဲတွေက ရွှေပြည်အေးမြို့နယ်ရှိတဲ့ ရွှေမျောတွေကို မီးရှို့သွားပြီး ပြန်အလာ သူတို့ရုံးကို ရောက်တဲ့အချိန် ရှမ်းနီလက်နက်ကိုင် SNA က ဝင်ရောက် တိုက်ခဲ့တယ်။ နှစ်ဖက်အပြန်လှန်ပစ်ခတ်တယ်။ ရဲတစ်ယောက်နဲ့ ပြည်သူ တစ်ယောက် သေဆုံး သွားတယ်” လို့ ပြောပါတယ်။

အဆိုပါပစ်ခတ်မှုမှာ နှစ်ဖက် ထိခိုက်သေဆုံးမှုအခြေအနေကိုတော့  အတည်ပြုနိုင်ခြင်း မရှိ သေးပါဘူး။ 

ဒေသတွင်းမှာ ရှမ်းနီလက်နက်ကိုင်အဖွဲ့ (SNA) နဲ့ စစ်ကောင်စီတပ်တွေ မကြာခဏ ပစ်ခတ်မှုတွေ ရှိခဲ့ဖူးပေမဲ့  စစ်ကောင်စီလက်အောက်ခံ ထွေ/အုပ်ရုံးကို ပထမဆုံး အကြိမ် ဝင်ရောက် တိုက်ခိုက်ခဲ့ တာ ဖြစ်ပါတယ်။

//
More News
Up