စီဘီဘဏ်မှာ e - saving အကောင့် ၀န်ဆောင်မှုပေး
DVB
·
March 20, 2014
ဘဏ်စာအုပ် ကိုင်တွယ် သိမ်းဆည်းထားစရာမလိုတဲ့ eSaving အကောင့်တွေ စပြီး ဖွင့်နိုင်ပြီလို့ သမ၀ါယမဘဏ် (စီဘီ)ရဲ့ အုပ်ချုပ်မှုဒါရိုက်တာ ဦးဖေမြင့်က ပြောပါတယ်။
မတ် ၁၉ ရက်နေ့က စီဘီဘဏ်ရုံးချုပ်မှာ ကျင်းပတဲ့ e - saving အကောင့် ၀န်ဆောင်မှု အသစ် စမိတ်ဆက်ပွဲမှာ သူက ခုလို ပြောလိုက်တာပါ။
[caption id="attachment_53565" align="alignright" width="300"] CB Bank ရဲ့ eSavings service ၀န်ဆောင်မှုအသစ် မိတ်ဆက်ရှင်းလင်းပွဲ အခမ်းအနား[/caption]
e - saving အကောင့် ဖွင့်လိုသူတယောက်ဟာ Gmail အကောင့်နာမည်၊ ကိုယ့်ရဲ့လက်မှတ်နဲ့ မှတ်ပုံတင်နံပါတ် ဖြည့်ထားရုံနဲ့ သုံးစွဲနိုင်မှာ ဖြစ်ပြီး နေ့စဉ်နဲ့ အပတ်စဉ် ကိုယ့်အကောင့်ထဲ ငွေလက်ကျန် ဘယ်လောက်ရှိတယ်၊ ဘယ်လောက် ငွေဝင်တယ်၊ ဘယ်နေရာကို ဘယ်လောက် လွှဲလိုက်တယ် ဆိုတာတွေကို e - statement နဲ့ အီးမေးလ် လိပ်စာကို ပို့ပေးမယ်လို့ ဦးဖေမြင့်က ပြောပါတယ်။
e - saving အကောင့်ကို မိုဘိုင်းဘဏ်စနစ်နဲ့ ပူးတွဲ အသုံးပြုနိုင်မှာ ဖြစ်ပြီး အေတီအမ် အကောင့်တွေကို ဖြစ်စေ၊ အခြားသူတယောက်ယောက် ရဲ့ အကောင့်ထဲကို ဖြစ်စေ ၂၄ နာရီ ငွေပို့တာနဲ့ ငွေလွှဲတာ အလွယ်တကူ လုပ်နိုင်မယ်လို့ ဆိုပါတယ်။
e - saving အကောင့်နဲ့ ပတ်သက်ပြီး ငွေကြေးနဲ့ အချက်အလက် လုံခြုံရေးကိုလည်း အာမခံတယ်လို့ ဦးဖေမြင့်က ပြောပါတယ်။