ဗင်နီဇွဲလား အတိုက်အခံခေါင်းဆောင်ကို စစ်ဆေးရန် လွှတ်တော် တောင်းဆို

ဗင်နီဇွဲလားနိုင်ငံ အတိုက်အခံခေါင်းဆောင် မာရီယာ ကိုရီနာ မာချာဒို (ဓာတ်ပုံ - ရိုက်တာ)
ဗင်နီဇွဲလားနိုင်ငံ အတိုက်အခံခေါင်းဆောင် မာရီယာ ကိုရီနာ မာချာဒိုကို အစိုးရ ဆန့်ကျင်ရေး ဆန္ဒပြပွဲတွေမှာ ပါဝင်မှုနဲ့ပတ်သက်ပြီး သစ္စာဖောက်မှုအပါအ၀င် ရာဇ၀တ်မှုတွေနဲ့ စုံစမ်းစစ်ဆေးဖို့ ဗင်နီဇွဲလားလွှတ်တော်က မတ် ၁၈ ရက်နေ့က တောင်းဆိုလိုက်ပါတယ်။ ဗင်နီဇွဲလားဆိုရှယ်လစ်ပါတီ သမ္မတ နီကိုလပ်စ် မာဒူရိုကို ဆန့်ကျင်တဲ့ ၁ လခွဲကြာ ဆန္ဒပြပွဲတွေအတွင်း အသက် ၄၆ နှစ်အရွယ် မာချာဒိုဟာ အဆင့်မြင့်ဆုံး ခေါင်းဆောင်တွေထဲက တဦး ဖြစ်ပါတယ်။ [caption id="attachment_53464" align="alignright" width="300"]ဗင်နီဇွဲလားနိုင်ငံ အတိုက်အခံခေါင်းဆောင် မာရီယာ ကိုရီနာ မာချာဒို (ဓာတ်ပုံ - ရိုက်တာ) ဗင်နီဇွဲလားနိုင်ငံ အတိုက်အခံခေါင်းဆောင် မာရီယာ ကိုရီနာ မာချာဒို (ဓာတ်ပုံ - ရိုက်တာ)[/caption]သူ့ကို အဆောက်အဦ ဖျက်ဆီးမှုကနေ ပြည်တွင်းစစ်ဖြစ်အောင် လှုံ့ဆော်မှုအထိ စွဲချက်တွေနဲ့ စုံစမ်းစစ်ဆေးဖို့ ဆိုရှယ်လစ်ပါတီ ကိုယ်စားလှယ်အများစုက လွှတ်တော်အတွင်း မဲပေးခဲ့ကြပါတယ်။ ဖေဖော်ဝါရီ ၁၂ ရက်က စပြီး တိုင်းပြည်အတွင်း ကျူးလွန်တဲ့ ရာဇ၀တ်မှုတွေအတွက် ဗင်နီဇွဲလား တရားဥပဒေရှေ့မှောက် သူ့ကို ခေါ်လာဖို့ လွှတ်တော်ဥက္ကဋ္ဌ ဒီယိုဒါဒို ကာဘယ်လိုက ပြောပါတယ်။ ဒီလုပ်ရပ်ဟာ မာချာဒိုနဲ့အတူ နိုင်ငံလုံးဆိုင်ရာ လှုပ်ရှားမှု ဆင်နွှဲခဲ့တဲ့ အတိုက်အခံခေါင်းဆောင် လီယိုပိုဒိုလိုပဲ့ဇ်ကို ဖမ်းဆီးအပြီး ၁ လအကြာမှာ ထပ်လုပ်တာပါ။ လွှတ်တော်ကိုယ်စားလှယ်တွေက စွပ်စွဲချက်တွေ ပြောအပြီး တခြား လွှတ်တော်ကိုယ်စားလှယ်တွေက ကြွေးကြော်နေချိန်မှာ မာချာဒိုကတော့ မျက်နှာသေနဲ့ ထိုင်မြဲ ထိုင်နေပါတယ်။ ဒီအမိန့် ဘယ်က လာလဲဆိုတာ ကျမ ရှင်းရှင်းလင်းလင်းသိတယ်လို့ သတင်းစာ ရှင်းလင်းပွဲမှာ မာချာဒိုက ပြောပါတယ်။ အတိုက်အခံတွေကလည်း ဆက်လက် ဆန္ဒပြသွားမယ်လို့လည်း ဆိုပါတယ်။ “ဗင်နီဇွဲလား ပြည်သူအားလုံးအတွက် သူတို့အိပ်မက်တွေအတွက် ဆက်ပြီး တိုက်ပွဲဝင်သွားမယ်၊ အရင်တုန်းကထက် ပိုတဲ့ အင်အားတွေ သုံးသွားမယ်လို့ ပြောချင်တယ်” လို့ မာချာဒိုက ဆက်ပြောပါတယ်။ ကာလကြာရှည် ကုန်စည်ပြတ်လပ်မှုနဲ့ ၅၇ ရာခိုင်နှုန်းထိရှိတဲ့ ငွေကြေးဖောင်းပွမှုတွေကို ဆန့်ကျင်ဆန္ဒပြဖို့ လမ်းတွေပေါ်မှာ ဆန္ဒပြသူတွေ ဆက်နေဖို့ကိုလည်း သူက တိုက်တွန်းခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up