ကျောက်ကြီးမြို့နယ်တွင် စစ်ကောင်စီတပ်က ပစ်ခတ်သဖြင့် ရွာသား ၂ ဦး ဒဏ်ရာရ
DVB
·
May 21, 2022
ပဲခူးတိုင်း၊ ကျောက်ကြီးမြို့နယ်မှာ မေ ၂၀ ရက် မနက် ၁၁ နာရီကျော်လောက်ကစပြီး စစ်ကောင်စီတပ်က လက်နက်ကြီးတွေနဲ့ ရမ်းသန်း ပစ်ခတ်လို့ နရွဲပင်ကျေးရွာနေ ရွာသား ၂ ယောက် ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။
မေလ ၁၂ ရက်ကလည်း ခမရ ၃၄၉ တပ်က ဒရုန်းနဲ့ ၆၀ မမကို ကျေးရွာတွင်း ပစ်ချခဲ့တာကြောင့် အင်းနက်ကျေးရွာအထက် ဘုန်းကြီးကျောင်းအနီး အသက် ၈ နှစ်အရွယ် မထက်ထက်စံ ဘယ်ဘက်ရင်အုံ ပေါက်ထွက်ပြီး ဒဏ်ရာအပြင်းအထန်ရခဲ့ပါတယ်။
ကျောက်ကြီးမြို့နယ်မှာ စစ်ကောင်စီတပ်တွေဟာ ကျေးရွာအတွင်း ဘုန်းကြီးကျောင်းနဲ့ စာသင်ကျောင်းတွေမှာ တပ်စွဲထားပြီး ဘာသာရေးနဲ့ ပရဟိတကားတွေကို အသုံးပြုပြီး မြို့တွင်း လှည့်လည်တတ်တယ်လို့ သိရပါတယ်။
