ဆီးဂိမ်းစ်ပြိုင်ပွဲတွင် ဗိုဗီနမ်အားကစားနည်းမှ မြန်မာရွှေတံဆိပ် ၁ ခုထပ်ရ

ဗီယက်နမ် ဆီးဂိမ်းစ်အားကစားပြိုင်ပွဲ မေလ ၂၀ ရက်က ယှဉ်ပြိုင်ခဲ့တဲ့ ပြိုင်ပွဲတွေမှာ  မြန်မာအားကစားအဖွဲ့က ရွှေတံဆိပ်တစ်ခု၊ ငွေတံဆိပ်သုံးခုနဲ့ ကြေးတံဆိပ်ခြောက်ခုထပ်မံ ရယူနိုင်ခဲ့ပါတယ်။ 

မြန်မာအတွက် ၈ ခုမြောက် ရွှေတံဆိပ်ဆုကို  ဗိုဗီနမ်အားကစားနည်းရဲ့ လေးယောက်တွဲအပြပွဲစဉ်မှာ  မနားကွီး၊ အိုက်စိုးလင်း၊ ဇင်လင်းထွန်းနဲ့ ဇော်ဇော်တို့က  ဆွတ်ခူးရယူပေးခဲ့တာပါ။

ငွေတံဆိပ်ဆု ၃ ခုကိုတော့ ဗိုဗီနမ်အားကစားနည်းရဲ့ တစ်ဦးချင်း လက်သိုင်းအပြပွဲစဉ်ကနေ ခိုင်ဝါဖူးတခု၊ တစ်ဦးချင်းဓားရှည်အပြပွဲစဉ်ကနေ မေဟန်နီအောင်လွင်ကတခုနဲ့ ဘိလိယက် ၂ ယောက်တွဲပြိုင်ပွဲကနေ ဦးပေါက်စနဲ့ မင်းစည်သူထွန်းတို့က တခု အသီးသီးရယူနိုင်ခဲ့ကြတာပါ။

ကြေးတံဆိပ်ဆု၆ ခုကိုတော့ ဗိုဗီနမ်အတိုက်ပြိုင်ပွဲကနေ ဝေသူလွင်ကတခု ၊ ကနူးလှေလှော် (၅၀၀)မီတာ လေးယောက်တွဲ ပြိုင်ပွဲကနေ ဝင်းထိုက်၊ မင်းနိုင်၊ မျိုးလှိုင်ဝင်းနဲ့ သန့်ဇင်ဦးတို့က တခု၊ လက်ဝှေ့ ၅၂ ကီလိုတန်းကနေ လင်းထွဋ်ပိုင်ကတစ်ခု၊ လက်ဝှေ့ ၄၈ ကီလိုတန်းကနေ အေးငြိမ်းထူးကတစ်ခု၊ ဂျူဒို ၅၂ ကီလိုတန်းကနေ အေးမာလာကတခု၊ အလေးမ ၅၉ ကီလိုတန်းကနေ နော်တဘိုးရာက တခု အသီးသီးရယူနိုင်ခဲ့တာပါ။

မေလ ၂၀ ရက်အထိ မြန်မာအားကစားအဖွဲ့က ရွှေတံဆိပ် ၈ ခု၊ ငွေတံဆိပ် ၁၅ ခု၊ ကြေးတံဆိပ် ၂၂ ခုနဲ့ နိုင်ငံအလိုက် အဆင့် ၇ မှာဆက်လက်ရပ်တည်နေပါတယ်။

မြန်မာအားကစားအဖွဲ့ဟာ မေလ ၂၁ ရက်မနက်ဖန်မှာ သေနတ်ပစ်၊ စစ်တုရင်၊ ဘိလိယက်၊ ကနူး၊ ပိုက်ကျော်ခြင်း၊ E-Sports၊ အမျိုးသမီးဘောလုံး၊ ဂျူဒို၊ အလေးမ၊ ဗိုဗီနမ်၊ လက်ဝှေ့ အစရှိတဲ့ အားကစားနည်းတွေမှာ ဆက်လက်ယှဉ်ပြိုင်သွားဖို့ရှိပါတယ်။

//
More News
Up