Live
Home
မြန်မာသတင်း
ဖျာပုံ ဓားပြမှုတွင် သက်သေခံငွေ ကျပ်သိန်း ၂၀၀ ရဲနှင့် တရားရေးကြား ပျောက်ဆုံးသွား
DVB
·
April 7, 2022

ဧရာဝတီတိုင်း၊ ဖျာပုံမြို့နယ်မှာ ဓားပြမှုကျူးလွန်တဲ့ အမျိုးသား ၃ ယောက်ကို တရားရုံးက ပြစ်ဒဏ် အမိန့်ချမှတ်ပြီးချိန်မှာ  စစ်ကောင်စီဩဇာခံ ရဲတပ်ဖွဲ့နဲ့ တရားရုံးကြား ငွေကျပ် သိန်း ၂၀၀ ကျော်ပျောက်ဆုံးသွားတယ်လို့  တရားရုံးနဲ့နီးစပ်သူတွေက ပြောပါတယ်။

ပြီးခဲ့တဲ့ မတ်လ ၇ ရက်က ဖျာပုံမြို့ အမှတ် ၉ ရပ်ကွက်ရှိ နေအိမ်တအိမ်ကို  ဓားပြတိုက်ရာမှာ ပါသွားတဲ့ ရွှေ ၂၀ သားနဲ့ ငွေကျပ် သိန်း ၃၀၀ ကို သက်သေခံပစ္စည်းအဖြစ် ရဲနဲ့ တရားရားရုံးက ယူထားခဲ့ပြီး အမိန့်ချပြီးနောက်မှာတော့  ရွှေ ၂၀ သားနဲ့ ငွေကျပ်သိန်း ၁၂၀ ကိုပဲ ပိုင်ရှင်ကိုပြန်ပေးခဲ့တယ်လို့ဆိုတယ်။

ဓားပြမှုကိုတော့  တရားရုံးက ၁ လအတွင်း ရုံးချိန်း ၂ ချိန်းသာ တရားလိုပြသက်သေ တရားခံပြသက်သေတွေကို အပြီးစစ်ဆေးပြီး အမျိုးသား ၃ ယောက်ကို  ထောင်ဒဏ်တွေ အသီးသီးချမှတ်ခဲ့ပါတယ်။

“ဓားပြမှုဖြစ်တဲ့ ညမှာပဲ တရားခံတွေကို ဖမ်းမိတာ။ ရွှေတွေအားလုံးတော့ ပြန်ရတယ်။ ငွေသိန်း ၂၀၀ လိုနေတာ။ ဖြစ်တဲ့အချိန်နဲ့ မိတဲ့အချိန်ကြားမှာ ၅ နာရီလောက်ပဲခြားတယ်။ အမှုစစ်ဆေးတာ အရမ်းမြန်လွန်းတယ်”လို့ ဒေသခံက ပြောပါတယ်။

ကျူးလွန်တဲ့ တရားခံ ၃ ဦးကို အချိန်ပိုင်းအတွင်းဖမ်းမိခဲ့သော်လည်း သက်သေခံပစ္စည်းတွေ ပြည့်ပြည့်စုံစုံ ပြန်လည်မရရှိတဲ့အပေါ် တရားလိုအနေနဲ့ အများကြီးနစ်နာရတယ်လို့ ဒေသခံတွေက  ပြောပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024