ကျောက်စိမ်းတုံးကြီး တွေ့ရှိမှုကြောင့် ကျောက်တူးသမားများ အခက်တွေ့

နေပြည်တော် ကျောက်စိမ်းပြပွဲတွင် တွေ့ရသော ကျောက်စိမ်းတုံးများ
ကချင်ပြည်နယ် ဖားကန့်မြို့နယ်ထဲမှာ အလွန်ကြီးမားတဲ့ ကျောက်စိမ်းတုံးကြီး တူးဖော်တွေ့ရှိပြီးတဲ့နောက် လုံခြုံရေး တိုးမြှင့်ချထားတာကြောင့် တနေ့လုပ်တနေ့စား ကျောက်တူးသမားတွေ အလုပ်အကိုင် အခက်အခဲဖြစ်နေရပါတယ်။ [caption id="attachment_50614" align="alignright" width="300"]ကျောက်စိမ်းပြပွဲတွင်တွေ့ရသော ကျောက်စိမ်းတုံးများ ကျောက်စိမ်းပြပွဲတွင်တွေ့ရသော ကျောက်စိမ်းတုံးများ[/caption] ဆိတ်မူကျေးရွာအုပ်စု ဝေခါမှော်လုပ်ကွက်မှာ ဖေဖော်ဝါရီ ၉ ရက်နေ့က ကြီးမားတဲ့ ကျောက်စိမ်းတုံးကြီးတတုံး တူးဖော်တွေ့ရှိပြီးတဲ့နောက်ပိုင်း အစိုးရတပ်က ချက်ချင်း လုံခြုံရေး တိုးမြှင့်လိုက်ပြီး ၁၅ ဧက ပတ်လည်က လုပ်ကွက်တွေ ပိတ်ထားတယ်လို့ ဆိတ်မူကျေး ရွာအုပ်စုရဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးရွှေသိန်းက ပြောပါတယ်။ အဲဒီလို ပိတ်လိုက်လို့ ခါတိုင်းအဲဒီမှာ ကျင်လည်နေကျ ရေမဆေးကျောက်သမားတွ၊ တနိုင်တပိုင်တူးဖော်နေသူတွေ ထောင်ချီပြီး အလုပ်အကိုင် အခက်အခဲဖြစ်နေတယ်လို့ ဦးရွှေသိန်းက ဒီဗွီဘီကို ပြောပါတယ်။ “အဲဒီဝေခါမှာ အခြေစိုက်တဲ့ ဒီ တပ်မ ၁၀၁ ရှ့တန်းအခြေစိုက်တပ်ပေါ့။ ကျောက်ကို အမြန်ဆုံး သူကလုံခြုံရေး အထပ်ထပ်လုပ်လိုက်တော့ အနားကပ်လို့မရတော့ဘူး။ ကျောက်တွေ့တဲ့နေ့ကစ ဒီနေ့အချိန်ထိ တနိုင်တပိုင် လုပ်ကိုင်တဲ့ ကျောက်ဖော်တဲ့ လုပ်ငန်းဟူသမျှကို ရပ်ဆိုင်းထားတော့ တပိုင်တနိုင်လုပ်ကိုင်စားသောက်နေတဲ့ အလုပ်ကို အခြေခံပြီး ရပ်တည်နေရတဲ့ ပြည်သူတွေ တော်တော်လေး ဒုက္ခရောက်နေကြတယ် လောလောဆယ်မှာ။” ကျောက်စိမ်းတုံးကြီး စတင်တွေ့ရှိသူ ရေမဆေးကျောက်တူးသမား ကိုအောင်နိုင်ဝင်းကိုလည်း သူ့လုံခြုံရေးအတွက်ဆိုပြီး အစိုးရတပ်က ခေါ်ယူထိန်းသိမ်းထားတယ်လို့ ဆိုပါတယ်။ ကိုအောင်နိုင်ဝင်းဟာ အောက်မြန်မာပြည်ဘက်ကနေ ဆိတ်မူကျေးရွာအုပ်စု ဝေခါရွာမှာ လာရောက်အခြေစိုက်ပြီး တနိုင်တပိ်ုင် ကျောက်တူးနေတာလို့ ဆိုပါတယ်။ ကျောက်စိမ်းတုံးကြီး မတွေ့ခင်ကတော့ တနိုင်တပိုင်တူးသမားတွေဟာ နားလည်မှုနဲ့ ဆောင်ရွက်နေကြတာဖြစ်ပြီး စစ်တပ်က ရှောင်တခင် ၀င်ဖမ်းတာတွေရှိသလို ငွေနဲ့ပြန်ရွေးရတာလည်း ရှိနေတယ်လို့ ပြောပါတယ်။ သူတို့ပါတီအနေနဲ့ ပြည်သူတွေဆီက တိုင်ကြားထားတာတွေ လက်ခံရရှိထားချက်အရ ပြဿနာဖြေရှင်းရေး နည်းလမ်းတွေရှာဖို့ ဖေဖော်ဝါရီ ၂၂ ရက်နေ့ကျရင် ရွာသားအားလုံး နဲ့ တွေ့ဆုံပြီး ဆွေးနွေးတိုင်ပင်သွားမယ်လို့ ဦးရွှေသိန်းက ဆိုပါတယ်။ ဖားကန့်မြို့နယ် ဆိတ်မူကျေးရွာအုပ်စု ဝေခါရွာ နတ်ကြီးစင်ဟောင်းအောက် မော်တောင်းအဆင်းလမ်းမှာ အလေးချိန် ခန့်မှန်းခြေ ၃၇ တန်လောက်ရှိမယ့် ကျောက်စိမ်းတုံးတတုံးကို ဖေဖော်ဝါရီလ ၉ ရက်နေ့က တူးဖော်တွေ့ရှိခဲ့တယ်လို့ ကချင်ပြည်နယ်အစိုးရရုံး ဒုတိယညွှန်ကြားရေးမှူး ဦးကျော်ဆန်းက ဒီဗွီဘီကို ပြောပါတယ်။ အဲဒီကျောက်တုံးကြီးဟာ အကျယ် ၉ ပေ ၁၀ လက်မ၊ အမြင့် ၁၃ ပေ၊ လုံးပတ် ၃၃ ပေ ရှိပြီး ကျောက်စိမ်းတုံးကို ဘေးမသီရန်မခ စနစ်တကျ သယ်ဆောင်နိုင်ဖို့ သက်ဆိုင်ရာ တာဝန်ရှိသူတွေက ကြပ်မတ်ပြီး စစ်ဆေးဆောင်ရွက်နေတယ်လို့ ဆိုပါတယ်။ ကချင်ပြည်နယ် ဖားကန့်ဒေသဟာ ကျောက်စိမ်းထွက်ရှိရာဒေသအဖြစ် နာမည်ကြီးပြီး ဒေသခံတွေနဲ့အတူ မြန်မာပြည်အနယ်နယ်အရပ်ရပ်ကပါ သောင်းနဲ့ချီတဲ့လူတွေ ကျောက်တူးလုပ်ငန်းကို လာရောက်လုပ်ကိုင်နေကြပါတယ်။ ၂၀၁၂ ခုနှစ်မှာတော့ နယ်မြေမတည်ငြိမ်မှုနဲ့ သဘာဝဘေးအန္တရာယ် တားဆီးရေး အတွက် သတ္တုတွင်းဝန်ကြီးဌာနက အဲဒီနှစ် မေလက စပြီး ကျောက်တူးဖော်ခွင့်ကို ပိတ်ထားခဲ့ပါတယ်။ ဒါပေမယ့် ဘိုးစဉ်ဘောင်ဆက်ကတည်းက ကျောက်တူးလုပ်ငန်းကို တနိုင်တပိုင် လုပ်ကိုင် စားသောက်လာတဲ့ ဒေသခံတွေအနေနဲ့ အခြားအလုပ်အကိုင် ရှားပါးမှုကြောင့် အဖမ်းအဆီးတွေကြားက တမျိုး၊ နားလည်မှုတွေနဲ့တဖုံ လုပ်ကိုင်စားသောက်နေကြတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up