ပခုက္ကူ KBZ ဘဏ်ခွဲတစ်ခု မိုင်းခွဲခံရ

မကွေးတိုင်း ပခုက္ကူမြို့ ထင်းတန်းလမ်းပေါ်မှာရှိတဲ့ KBZ ဘဏ်ခွဲကို Earthquake People's Defence Force - UG  က ရှေ့ထွက်မိုင်း အသုံးပြုဖောက်ခွဲ ဖျက်ဆီးခဲ့တယ်လို့ သတင်းထုတ်ပြန်ထားပါတယ်။

ဖောက်ခွဲတိုက်ခိုက်မှုပြလုပ်ခဲ့ပြီးနောက် ပြည်သူတွေအနေနဲ့ စစ်ကောင်စီ ထောက်တိုင်တွေဖြစ်တဲ့ ကမ္ဘောဇဘဏ်နဲ့ Mytel ရုံးတွေကို တတ်နိုင်သမျှရှောင်ရှားပြီး အဝေးမှာသာနေထိုင်ကြဖို့ သတိပေးထားပါတယ်။

Earthquake People's Defence Force - UG   ဖောက်ခွဲ ဖျက်ဆီးခဲ့ပြီးတဲ့နောက် အထိအခိုက် မရှိဘဲ သက်ဆိုင်ရာစခန်းများကို ပြန်လည်ဆုတ်ခွာနိုင်ခဲ့တယ်လို့ ထုတ်ပြန်ချက်မှာ ဖော်ပြ ထားပါတယ်။

ပြည်သူလူထုရဲ့ သဘောထားကို အလေးထားတဲ့အနေနဲ့ KBZ Bank အနေနဲ့လည်း မိမိတို့ရဲ့ Bank အကောင့်တွေကို ပြန်ဖွင့်ပေးဖို့ အသိပေးထားပြီး ဆက်လက်ပိတ်ပင်မှုတွေ ပြုလုပ်နေပါက  ဘယ်သူ့အသက်မှ အာမ မခံကြောင်း သတင်းပြန်ကြားရေးနဲ့ ပြင်ပဆက်ဆံရေး တာဝန်ခံ ကိုပိန်က ပြောပါတယ်။

//
More News
Up