ဂျပန်တွင် ပြင်းအား ၆ ဒသမ ၆ အဆင့် ငလျင်ကြောင့် လူ ၁၃ ဦး ဒဏ်ရာရ

ဂျပန်နိုင်ငံ အနောက်တောင်ဒေသမှာ ဇန်နဝါရီ ၂၂ ရက် မနက်စောစောပိုင်းက ပြင်းအား ၆ ဒသမ ၆ ရှိတဲ့ ငလျင်လှုပ်ခတ်ခဲ့တာကြောင့် လူ ၁၃ ယောက် ဒဏ်ရာရခဲ့တယ်လို့ ဒေသတွင််းမီဒီယာတွေမှာ ဖော်ပြပါတယ်။

အဲဒီဒေသမှာ အခြေစိုက်တဲ့ ရုပ်သံသတင်းမှာ ငလျင်ကြောင့် အပျက်အစီး အက်ကြောင်းတွေ ဖြစ်ခဲ့တာတွေကို တွေ့ရပြီး ပြိုကျနေတဲ့ နံရံတခုကိုလည်း တွေ့ရပါတယ်။

ဆူနာမီ သတိပေးချက် ထုတ်ပြန်ထားတာ မရှိပေမဲ့ ငလျင်ဟာ ဂျပန်နိုင်ငံရဲ့ တောင်ဘက်စွန်း ကျွန်းမကြီး ၄ ခုထဲက တခုဖြစ်တဲ့ ခူရူကမ်းလွန်ဒေသ မြေအောက် မိုင် ၃၀ ကို ဗဟိုပြုလှုပ်ခတ်ခဲ့တယ်လို့ သတင်းက ဆိုပါတယ်။

ဒဏ်ရာရသူတွေထဲမှာ အသက် ၈၀ ကျော်အရွယ် နှစ်ယောက်လည်း ပါဝင်ပါတယ်။ အသေအပျောက်မရှိပေမဲ့ အဆောက်အအုံတွေ၊ ရေပိုက်တွေ၊ လမ်းတွေ ပျက်စီးသွားတဲ့ သတင်းကို NHK က ဖော်ပြထားပါတယ်။

//
More News
Up