ယင်းမာပင်တွင် စစ်​ကောင်စီတပ် ပစ်ခတ်မှု​ကြောင့် စစ်ရှောင်အမျိုးသမီး ၁ ဦး ကျည်ထိမှန်

စစ်ကိုင်းတိုင်း၊ ယင်းမာပင်မြို့နယ်၊ ဘန့်​ဘွေး​ရွာမ​ကျေးရွာအတွင်းကို စစ်​ကောင်စီတပ်ဖွဲ့ ထပ်မံတပ်စွဲ​နေတာကြောင့် ဘန့်​ဘွေး​ရွာမအပါအဝင် အခြား​ကျေးရွာနေ ပြည်သူတွေ အိုးအိမ်စွန့်ခွာ​ပြေး​နေရပြီး စစ်​ကောင်စီတပ်ရဲ့ ရမ်းသမ်းပစ်ခတ်မှု​ကြောင့် ပြည်သူ ၁ ဦး ကျည်ထိမှန်သွားတယ်လို့ သိရပါတယ်။

ဘန့်​ဘွေးရွာမ​ကျေးရွာ၊ ထန်းဇင်​ကျေးရွာ၊ လက်ပန်​ကျေးရွာ၊ ကံစု​ကျေးရွာ၊ နဘူး​တော​ကျေးရွာ၊ ​ကွေ့​ချောင်း​ကျေးရွာ စတဲ့ ​ကျေးရွာဒေသခံတွေ ​ထွက်ပြေးနေကြရတာပါ။

ဇန်နဝါရီ ၁၈ ရက်မနက်ပိုင်းက စစ်​ကောင်စီတပ်ရဲ့ ရမ်းသမ်းပစ်ခတ်ခြင်း​ကြောင့် ထွက်ပြေးနေတဲ့ ​အပြစ်မဲ့ပြည်သူ အမျိုးသမီး ၁ ဦး ကျည်ထိမှန်ခဲ့တာလို့ ဆိုပါတယ်။ ကျည်ထိမှန်ခဲ့သူဟာ ကွေ့​ချောင်း​ကျေးရွာက ​ဒေါ်မနုဖြစ်ပြီး ​ပေါင် ၁ ချက်၊ ​ကျော ၁ ချက် ထိမှန်ခဲ့တယ်လို့ ​ပြောပါတယ်။

စစ်​ကောင်စီတပ်ဖွဲ့တွေဟာ ဘန့်​ဘွေး​ကျေးရွာအတွင်းကို ဇန်နဝါရီ ၁၃ ရက်​ ည​နေပိုင်းက ဝင်​ရောက်ခဲ့တာဖြစ်ပြီး အဲဒီတပ်ဖွဲ့ဆီသွားတဲ့ စစ်​ကောင်စီယာဥ် ၃ စီးကိုလည်း ဇန်နဝါရီ ၁၈ ရက် မနက်ပိုင်းက ​မြေ​ဖွေး​တောင်အနီးမှာ ​ဒေသခံ PDF အဖွဲ့​တွေက မိုင်းဆွဲတိုက်ခိုက်ခဲ့တာ​တွေ ရှိခဲ့တယ်လို့ ​ဒေသခံ​တွေက ​ပြောပါတယ်။

စစ်​ကောင်စီတပ်ဖွဲ့တွေဟာ ဘန့်​ဘွေးရွာမဘက်ကို ၁၀ ကြိမ်ထက်မနည်း ဝင်​ရောက်တပ်စွဲခဲ့ပြီး တပ်စွဲ​နေထိုင်စဥ်အတွင်း ​ကျေးရွာအတွင်းက ပြည်သူ​တွေရဲ့ ပစ္စည်းတွေ ယူ​ဆောင်တာ၊ အိမ်​မွေးတိရစ္ဆာန်တွေကို သတ်ဖြတ်စား​သောက်တာနဲ့ အိမ်တွင်းပစ္စည်းတွေကို ဖျက်ဆီးထားခဲ့တာ​တွေလည်း ပြုလုပ်​လေ့ရှိတယ်လို့ ​ဒေသခံ​တွေက ​ပြောပါတယ်။

//
More News
Up