မုံရွာမြို့တွင် စစ်ကောင်စီတပ်များရှိသည့် နေ‌ရာအနှံ့ ဗုံးပေါက်ကွဲ

၂၀၂၁ မတ်လက မုံရွာမြို့ပေါ်တွင် စစ်ကောင်စီတပ်များ လှုပ်ရှားသွားလာနေစဉ်

စစ်ကိုင်းတိုင်း၊ မုံရွာမြို့မှာ ဇန်နဝါရီ ၁၇ ရက် ညပိုင်းက စစ်ကောင်စီတပ်တွေရှိတဲ့ နေရာတွေ အပါအဝင် မြို့ပေါ်နေရာအများအပြားမှာ ဗုံးပေါက်ကွဲမှုတွေ ဖြစ်ခဲ့တယ်လို့ သိရပါတယ်။

ဇန်နဝါရီ ၁၇ ရက် ညပိုင်းက မုံရွာမြို့ပေါ် အာဇာနည်လမ်းမှာ ၂ လုံး၊ ဘုရားနီ၊ မြို့ပတ်လမ်း၊ ရန်ကင်းမီးပွိုင့်၊ ချင်းတွင်းမြင့်ဟိုတယ်ရှေ့၊ ကျောက္ကာလမ်း၊ ကန်သာယာ၊ သမစိတ္တလမ်းဆုံ၊ လျှပ်စစ်ရုံးလမ်းဆုံ၊ အသောကလမ်းဆုံ၊ လောင်းကစားလမ်းကြား၊ ဘိုးဘွားရိပ်သာအဝိုင်းပတ်နဲ့ သာစည်မီးပွိုင့်တွေမှာ ဗုံးတစ်လုံးစီနဲ့ ခမရ-၁၆ တပ်ရင်းကို ဗုံး ၆ လုံးနဲ့ ပစ်ခတ်တိုက်ခိုက်ခဲ့တယ်လို့ Monywa NightKing နဲ့ ACF Monywa အဖွဲ့က ဇန်နဝါရီ ၁၇ ရက်နေ့က ထုတ်ပြန်ပါတယ်။

စစ်ကောင်စီတပ်တွေ ထိခိုက်ဒဏ်ရာရရှိမှုကိုတော့ လုံခြုံရေးကြောင့် စောင့်ကြည့်နိုင်ခြင်းမရှိဘဲ ပြန်လည်ထွက်ခွာခဲ့တယ်လို့ ထုတ်ပြန်ချက်မှာ ဖော်ပြပါတယ်။

“မနေ့ ၇ နာရီလောက်ကစပြီး တမြို့လုံး နေရာအနှံ့ ဗုံးပေါက်တွေကြားရတယ်။ နေရာအနှံ့ တအုန်းအုန်းပေါက်တယ်” လို့ မုံရွာမြို့ခံတစ်ဦးက ပြောပါတယ်။

//
More News
Up