ရေး PDF လက်နက်နှင့်စားနပ်ရိက္ခာလိုအပ်ချက်အတွက် လူမှုကွန်ရက်ကတဆင့် အလှူခံ

မွန်ပြည်နယ် ရေးမြို့နယ် ဒေသခံပြည်သူ့ကာကွယ်ရေးတပ်ဖွဲ့  ရေး PDF  အနေနဲ့  စစ်အာဏာရှင်ကို အမြစ်ပြတ်ချေမှုန်းသွားဖို့  လက်တလော လက်နက်ခဲယမ်းနဲ့ စားနပ်ရိက္ခာတွေ လိုအပ်ချက်တွေ ရှိလာနေတယ်လို့ လူမှုကွန်ရက်ကတဆင့်  ပြည်သူတွေကို ဇန်နဝါရီ ၁၆ ရက်နေ့မှာ အသိပေး အလှူခံနေပါတယ်။

စစ်တပ်က အာဏာသိမ်းယူပြီးနောက် ရေး PDF က အာဏာသိမ်းစစ်ကောင်စီရဲ့ လက်ပါးစေမှန်သမျှကို တိုက်ခိုက်ချေမှုန်းခဲ့လာတာ ဒီနေ့အထိဖြစ်ပြီး စစ်ကောင်စီ တပ်သားတွေ ဖြစ်တဲ့ ရဲ၊ စစ်သားတွေ နဲ့ သတင်းပေး ၂ ဒါဇင်လောက် သတ်ဖြတ်နိုင်ခဲ့ပြီး ဒဏ်ရာရသူ အနည်းဆုံး ၁၀ ဦးလောက်ရှိတယ်လို့  ရေး PDF က ပြောပါတယ်။

ရေး PDF တွေကို ကူညီထောက်ပံ့ပေးနေတဲ့သူတွေကိုလည်း စစ်ကောင်စီဘက်က မျက်ခြေ မပြတ်လေ့လာစောင့်ကြည့်နေပြီး မသင်္ကာတဲ့သူတွေကို စုံစမ်းဖော်ထုတ်ဖမ်းဆီ‌နေတယ်လို့ မြို့ခံတဦးက ပြောပါတယ်။

ရေး PDF ရဲ့ လှုပ်ရှားနယ်မြေတွေဘက်ကို စစ်ကောင်စီတပ်တွေက နယ်မြေရှင်းလင်းရေးတွေ ပြုလုပ်လာခဲ့ပေမဲ့ နှစ်ဖက်ထိပ်တိုက် ပစ်ခတ်မှုတွေ ဒီနေ့အထိ မရှိသေးပေမဲ့ ရေး PDF တွေက ပြောက်ကျားနည်းနဲ့ သာ စစ်ကောင်စီတပ်တွေကို တိုက်ခိုက်နေပါတယ်။

//
More News
Up