အစိုးရအဖွဲ့ဟာ စီမံကိန်းမှာ ပြောဆိုထားတာတွေကို ကတိမတည်ဘူးလို့ ဇန်န၀ါရီ ၃၀ ရက်နေ့က ကျင်းပတဲ့ ပြည်ထောင်စုလွှတ်တော် အစည်းအဝေးမှာ အမတ်တွေက ပြောဆိုလိုက်ပါတယ်။
အစိုးရအဖွဲ့က တင်ပြလာတဲ့ ၂၀၁၄ - ၁၅ ဘဏ္ဍာရေးနှစ် အမျိုးသားစီမံကိန်း ဥပဒေကြမ်းရဲ့ မူနဲ့ အခြေခံသဘော ဆွေးနွေးရာမှာ သူတို့က ခုလို ပြောဆိုလိုက်တာပါ။
ကရင်ပြည်နယ် ကော့ကရိတ်မြို့နယ် အမတ် ဦးသူရိန်ဇော်က အရင် ၂၀၁၁ - ၁၅ ဘဏ္ဍာရေးနှစ် စီမံကိန်းမှာ ကရင်ပြည်နယ်ကို ဓာတ်အားလိုင်းတွေ သွယ်တန်းပေးမယ်လို့ ဆိုပေမယ့် အခုထိ အဲဒါမျိုး ဆောင်ရွက် မပေးသေးဘူးလို့ ဆိုပါတယ်။
ရခိုင်ပြည်နယ် ရသေ့တောင်မြို့နယ် အမတ် ဒေါ်ခင်စောဝေကလည်း ၂၀၁၂ - ၁၃ ဘဏ္ဍာရေး နှစ်တုန်းက သူမဲဆန္ဒနယ်မြေထဲမှာ ကျောင်း ၄၀ ကျော် ပြင်ပေးမယ် ကတိခံ ထားပေမယ့် အခု ၁၄ ကျောင်းတောင် ပြင်မပြီးသေးဘူးလို့ ထောက်ပြပါတယ်။
အလားတူ မွန်ပြည်နယ် မဲဆန္ဒနယ်က အမတ် ဒေါ်မိမြင့်သန်းကလည်း ပညာရေးမှာ မူလတန်းကို အခမဲ့ဆိုပြီး ထည့်ထားပေမယ့် တကယ်လက်တွေ့ ဖြစ်မလာဘူးလို့ ထောက်ပြခဲ့ ပါတယ်။
