ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်၊ ရန်ကုန်-ပြည်ကားလမ်းပေါ်မှာရှိတဲ့ လုံခြုံရေးအကြောင်းပြကာ စစ်ကောင်စီတပ်တွေတပ်စွဲနေတဲ့ ကျွဲဘိရဲကင်းစခန်း ဒီဇင်ဘာ ၁၃ ရက် နေ့ည ၈ နာရီခွဲဝန်းကျင်က မီးလောင်ကျွမ်းတယ်လို့ သိရပါတယ်။

ဒေသခံတဦးက ''ကျွဲဘိရဲကင်းမှာ မီးလောင်လို့ မီးသတ်ကားတွေ ထွက်သွားတယ်။ ရဲကင်းဘက်က သေနတ်ပစ်သံတွေလည်းကြားရတယ်'' လို့ ပြောပါတယ်။

မီးလောင်ရာနေရာကို မြို့နယ်မီးသတ်တပ်ဖွဲ့က လာရောက်မီးငြှိမ်းသတ်တယ်လို့ သိရပါတယ်။

မီးလောင်မှုဖြစ်စဉ်နဲ့ပတ်သက်ပြီး မြို့နယ်မီးသတ်ဦးစီးမှူးရုံး တာဝန်ကျဝန်ထမ်းတဦးက “ရဲကင်းအဆောက်အဦ ၁ လုံး မီးလောင်သွားတယ်။ မီးလောင်တဲ့အကြောင်းရင်းကို စုံစမ်းနေပါတယ်”လို့ ဒီဗွီဘီကို ပြောပါတယ်။

ပဲခူးတိုင်း၊ ကြို့ပင်ကောက်မြို့နယ်၊ ရန်ကုန်-ပြည် ကားလမ်းပေါ်က စစ်ကောင်စီရဲ့ စစ်ဆေးရေးဂိတ် နိုဝင်ဘာ ၁၁ ရက်နေ့ မနက် ၅ နာရီဝန်းကျင်က ပစ်ခတ်တိုက်ခိုက်ခံရတာကြောင့် ဒုရဲအုပ်အဆင့်ရှိသူတစ်ဦး ဒဏ်ရာရရှိသွားတယ်လို့ သိရပါတယ်။