စစ်ကိုင်းတိုင်း၊ ခင်ဦးမြို့နယ်၊ သဲကုန်းကြီးကျေးရွာနဲ့ အောင်သာကျေးရွာကို စစ်ကောင်စီတပ်က ဒီနေ့မွန်းတည့် ၁၂ နာရီဝန်းကျင်က ဝင်ရောက်ပြီး နေအိမ်အချို့ကို မီးရှို့ကာ ပရဟိတ အလှူခံပုံးထဲတွေ ငွေတွေ ဖောက်ယူသွားတယ်လို့ ဒေသခံတွေက ပြောပါတယ်။
ဒေသခံတဦးက “ဒီကောင်တွေ ကျနော်တို့ သဲကုန်းကြီးရွာနဲ့အောင်သာကျေးရွာကိုဝင်ရောက်လာမွှေတယ်ဗျ။ ဘယ်လက်နက်ကိုင်မှ ကျနော်တို့ရွာတွေမှာ မရှိဘူး။ သူတို့လာရင် သူတိုကို ဘယ်သူမှမယုံဘူး။ ရွာထဲဝင်လာရင် သေနတ်တွေ ဖောက်ဝင်လာတယ်၊ ဓားပြတွေကျနေတာပဲ။ ဒီကောင်တွေက ရွာထဲရှိတဲ့သူတောင် မနေရဲအောင် ခြောက်ထုတ်၊ ပစ်ထုတ်တာလုပ်ဆောင်ခဲ့တာ။ ဒီနေ့ဆိုရင် အောင်သာကျေးရွာက ပရဟိတအလှူခံပုံး ဖျက်ယူတာတွေလုပ်ခဲ့တယ်ဗျ။” လို့ ပြောပါတယ်။
ဒါ့အပြင် ဈေးဆိုင်က ဈေးပစ္စည်းတွေ၊ ငွေတွေ အကုန်ယူသွား ကြပြီး ရွာက နေအိမ်တွေကိုလည်း မီးရှို့နေတာကြောင့် ဒေသခံတွေ ထွက်ပြေးနေကြရတယ်လို့ ဆိုပါတယ်။
“အခုလည်း ကျနော်တို့ရွာကို မီးရှို့နေတယ်။ ဘယ်နှလုံးလောင်မယ်တော့ မသိရသေးဘူးဗျ။ အဝေးကနေပဲ ကြည့်နေရတယ်။ အတိကျတော့ မိရသေးဘူး။”
သဲတောင်ကြီးကျေးရွာဟာ မီရိုးဖလာ တောင်သူလုပ်ငန်းလုပ်ကိုင်နေတဲ့ ကျေးရွာတစ်ရွာ ဖြစ်ပြီး အိမ်ခြေ ၅၀၀ လောက်ရှိတယ်လို့ သိရပါတယ်။
