သံဖြူဇရပ်မြို့က ရပ်ကွက်အုပ်ချုပ်ရေးမှူးရုံး ဖောက်ခွဲခံရ

မွန်ပြည်နယ်  သံဖြူဇရပ်မြို့  အောင်ချမ်းသာ ရပ်ကွက်အုပ်ချုပ်ရေးမှူးရုံး  အောက်တိုဘာ ၁၉ ရက်နေ့  ညနေ  ၅ နာရီလောက် ချိန်ကိုက်မိုင်း ဖောက်ခွဲ တိုက်ခိုက်ခံရတယ်လို့  ရေး PDF က ပြောပါတယ်။

မိုင်းခွဲတိုက်ခိုက်ခဲ့တာကြောင့် ရပ်ကွက်ရုံးအဆောက်အဦရဲ့ အစိတ်အပိုင်းတချို့ ထိခိုက်ပျက်စီးမှုတွေရှိခဲ့ပြီး လူထိခိုက်ဒဏ်ရာရသူနဲ့ သေဆုံးတာ ရှိမရှိတော့ မသိရှိရသေးပါဘူး။

ရပ်ကွက်အုပ်ချုပ်ရေးမှူးရုံး မိုင်းခွဲတိုက်ခိုက်ခဲ့တာ ချိန်ကိုက်လှုပ်ရှားမှုသာဖြစ်ပြီး  ရေး PDF နဲ့ သံဖြူဇရပ် PDF တို့ရဲ့ ပူးပေါင်းဖောက်ခွဲတိုက်ခိုက်ခဲ့တယ်လို့ ဆိုပါတယ်။

မိုင်းခွဲ တိုက်ခိုက်ခံရပြီးနောက် စစ်ကောင်စီတပ်က သံဖြူဇရပ်မြို့အတွင်း ပိတ်ဆို့ရှာဖွေစစ်ဆေးနေတယ်လို့ ဒေသခံတွေက ပြောပါတယ်။

စစ်ကောင်စီကို အလုပ်အကျွေးပြုနေတဲ့ သတင်းပေးဒလန်တွေ၊ Non-CDM တွေ၊  ပျူစောထီး အဖွဲ့၀င်တွေနဲ့ အခြား စစ်ကောင်စီရဲ့ လက်ပါးစေမှန်သမျှကို သုတ်သင်ရှင်းလင်းသွားမယ်လို့ အသိပေးထုတ်ပြန်ထားပါတယ်။

More News
Up