Email This Story :
၂၀၀၈ ဖွဲ့စည်းပုံနဲ့ ပတ်သက်ပြီး အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ပြင်ဖို့လုပ်ထားတဲ့ အချက်ပေါင်း ၁၅၀ လောက်ရှိတယ်လို့ အဖွဲ့ချုပ်ဗဟိုအလုပ်အမှုဆောင် ဦးဝင်းမြင့်က ပြောပါတယ်။
အဖွဲ့ချုပ် ဗဟိုကော်မတီအစည်းအဝေးကို ဒီဇင်ဘာ ၂၈ ရက်မှာ ကျင်းပပြုလုပ်ဖို့ရှိပြီး အဲ့ဒီ အစည်းအဝေးမှာ လွှတ်တော်ဖွဲ့စည်းပုံ လေ့လာသုံးသပ်ရေး ပူးပေါင်းကော်မတီကို တင်မယ့် အဖွဲ့ချုပ်ရဲ့ အကြံပြုစာတမ်းကို အတည်ပြုမှာ ဖြစ်ပါတယ်။
၂၀၀၈ ဖွဲ့စည်းပုံမှာ ထဲ့သွင်းရေးဆွဲထားတဲ့ ဒီမိုကရေစီ နည်းမကျတဲ့ အချက်တွေ၊ နိုင်ငံသားအခွင့်အရေး ဆုံးရှုံးနေတဲ့အချက်တွေ၊ ပြည်ထောင်စုမူနဲ့ မကိုက်တာနဲ့ တန်းတူညီမျှမှု မရှိတဲ့အချက်တွေ အားလုံးလောက်နီးနီး ပြင်ဆင်သွားမယ်လို့လည်း စုံစမ်းသိရှိရပါတယ်။
