ပူတာအိုအကျဉ်းထောင်၀န်ထမ်း ၂၂ ဦး ကိုဗစ်-၁၉ ရောဂါ ကူးစက်ခံရ

ကချင်ပြည်နယ်၊ ပူတာအို နမ်ဟော့အကျဉ်းထောင်မှာ အကျဉ်းဦးစီး၀န်ထမ်း ၂၅ ယောက်ကို စက်တင်ဘာ ၃၀ ရက်က ကိုဗစ်ရောဂါ ရှိ မရှိ စစ်ဆေးရာ ၂၂ ယောက်ကိုဗစ် positive ဖြစ်နေတယ်လို့ ပူတာအိုကျန်းမာရေးဌာနက သိရပါတယ်။  

ပူတာအိုကျန်းမာရေး၀န်ထမ်း အသိုင်းဝိုင်းနဲ့နီးစပ်သူ တစ်ဦးက "အကျဉ်းဦးစီး ၀န်ထမ်းတွေ ဖျားနာနေတယ်ဆိုလို့ ကိုဗစ်ကူးစက်ခံရ မခံရသွား စစ်ဆေး လိုက်တာ၊ ၀န်ထမ်း ၂၅ ဦးကို စစ်လိုက်‌တော့ ၂၂ ဦးမှာ positiveတွေ့တယ်။ အကျဉ်းထောင်တစ်ခုလုံး နီးပါး ကူးစက်ခံရတာလားဆိုတာ အမြန်ဆုံးစစ်ဆေးဖို့ လုပ်နေတယ်"လို့ ပြောပါတယ်။

ပူတာအိုအကျဉ်းထောင်မှာ စစ်အာဏာရှင်ကိုဆန့်ကျင်ဆန္ဒပြတဲ့ သပိတ်အဖွဲ့က ဖမ်းဆီးခံ လူငယ်တချို့နဲ့ နောင်မွန် ဓမ္မဆရာ ၃ ပါးတို့ ဖမ်းဆီးထိန်းသိမ်းခံထားရပါတယ်။

ပူတာအိုမှာ ကိုဗစ်-၁၉ ထိန်းချုပ်ကာကွယ်ရေးအတွက် တစ်ဖက်တစ်လမ်းက ကြိုးစားနေကြတဲ့ ပရဟိတအသင်းအဖွဲ့တွေထဲက အသင်း၀င်တချို့ ကိုဗစ်ကူးစက်ခံနေရတဲ့အတွက် လုပ်ငန်းတာ၀န်တွေ ရပ်နားထားရပါတယ်။

More News
Up