စက်တင်ဘာလအတွင်း စစ်သားနှင့်ရဲတပ်ဖွဲ့ဝင် ၁၀ ဦး CNDF ထံ အလင်းဝင်
DVB
·
October 1, 2021
ချင်းအမျိုးသားကာကွယ်ရေးတပ်ဖွဲ့ (CNDF) ဆီ စက်တင်ဘာလအတွင်း စစ်သားနဲ့ ရဲတပ်ဖွဲ့ဝင် ၁၀ ဦး CDM လုပ်ပြီး အလင်းဝင်လာတယ်လို့ သိရပါတယ်။
ရဲတပ်ဖွဲ့ဝင် ၈ ဦးနဲ့ စစ်သား ၂ ဦး အလင်းဝင်လာတာလို့ CNDF က စက်တင်ဘာ ၃၀ ရက်မှာ ထုတ်ပြန်ထားပါတယ်။
စက်တင်ဘာ ၃၀ ရက်က ဖလမ်းမြို့ ခလရ (၂၆၈) တပ်ရင်းမှ တပ်သား ၁ ဦး၊ သီးဘွာလ် တပ်စခန်းမှ တပ်ကြပ်ကြီး ၁ ဦးနဲ့ ရဲတပ်ကြပ်ကြီး ၁ ဦးတို့ဟာ လက်နက်အပြည့်စုံနဲ့ အလင်းဝင်လာကြပြီး သူတို့ကို CNO/CNDF က ဆုငွေတွေ ချီးမြှင့်ကာ လုံခြုံတဲ့နေရာကို ပို့ပေးခဲ့တယ်လို့ ဆိုပါတယ်။
တော်လှန်ရေးအောင်မြင်ဖို့ စစ်သား နဲ့ ရဲတပ်ဖွဲ့ဝင်တွေအနေနဲ့ နီးစပ်ရာ ပြည်သူ့ ကာကွယ်ရေးတပ်ဖွဲ့တွေဆီကို အလင်းဝင်ပြီး ပြည်သူနဲ့အတူတကွ ရပ်တည်ကြဖို့ကိုလည်း CNO/CNDF က ထပ်မံတိုက်တွန်းထားပါတယ်။
