ရေစကြိုမြို့နယ်၊ ဇီးတောကျေးရွာအနီးက Mytel တာဝါတိုင် မီးရှို့ဖျက်ဆီးခံရ
DVB
·
September 24, 2021
မကွေးတိုင်း၊ ရေစကြိုမြို့နယ်၊ ဇီးတောကျေးရွာအနီးက Mytel တာဝါတိုင် စက်တင်ဘာ ၂၃ ရက်နေ့ညက မီးရှို့ဖျက်ဆီးခံလိုက်ရတယ်လို့ ဒေသခံတွေဆီက သိရပါတယ်။
အဆိုပါ Mytel တာဝါတိုင်ကို ရေစကြိုပြည်သူ့ကာကွယ်ရေးတပ်ဖွဲ့က (YSO-PDF) က ဖောက်ခွဲဖျက်ဆီးလိုက်တာလို့ ဆိုပါတယ်။
YSO-PDF ရဲ့ တာဝန်ရှိသူတဦးက “ည ၁၀ နာရီလောက်က ဖောက်ခွဲဖျက်ဆီးပစ်လိုက်တာပါ။ စစ်ကောင်စီရဲ့ ထောက်တိုင်တွေကို ထပ်ပြီးတော့လည်း ဖျက်ဆီးသွားမယ်” လို့ ပြောပါတယ်။
ရေစကြိုပြည်သူ့ကာကွယ်ရေးတပ်ဖွဲ့က (YSO-PDF) က အာဏာသိမ်းခေါင်းဆောင် မင်းအောင်လှိုင် နဲ့ စီးပွားရေးဆက်စပ်လုပ်ကိုင်ထားတဲ့ Mytel တာဝါတိုင် ၁၈ တိုင်နီးပါး ဖျက်ဆီးနိုင်ခဲ့ပြီလို့ သိရပါတယ်။
