Home
မြန်မာသတင်း
မတူပီမြို့တွင် အချင်းချင်းပစ်ခတ်ပြီး ဒုတပ်ရင်းမှူးအဆင့်ရှိ ဗိုလ်မှူး ၁ ဦးသေဆုံး
DVB
·
September 17, 2021

ချင်းပြည်နယ်၊ မတူပီမြို့မှာတပ်စွဲထားတဲ့ အနောက်မြောက်တိုင်းစစ်ဌာနချုပ် လက်အောက်ခံ ကသာအခြေစိုက် ခြေမြန်တပ်ရင်း ခမရ (၃၀၉) က အရာရှိဗိုလ်မှူးတစ်ယောက်နဲ့ စစ်သည်တစ်ယောက်တို့  စက်တင်ဘာလ ၁၆ ရက် ည ၁၂ နာရီလောက်မှာ အချေအတင်စကားများပြီး သေနတ်ပစ်ခတ်မှုဖြစ်ပွားကာ ဒုတပ်ရင်းမှူးအဆင့်ရှိ ဗိုလ်မှူးသေဆုံးသွားခဲ့ပါတယ်။

နေရာမှာတင်သေဆုံးသွားခဲ့တဲ့ ခမရ ၃၀၉ ဒုတပ်ရင်းမှူးအလောင်းကို မတူပီမြို့နယ်ဆေးရုံမှာ ထားရှိတယ်လို့ တပ်တွင်း သတင်းအရင်းအမြစ်တွေက ဒီဗွီဘီ သတင်းဌာနကို ပြောပါတယ်။ 

ဒုတပ်ရင်းမှူးက အဲဒီမြို့နယ်က တော်လှန်ရေးအဖွဲ့တွေကို စစ်ဆင်ရေးထွက်ခိုင်းတဲ့အခါမှာ စစ်သည်က မတိုက်ခိုက်လိုကြောင်းပြောရာကနေ စကားများပြီး  အခုလို ပစ်ခတ်မှုဖြစ်ပွားခဲ့တာလို့ဆိုပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024