လုံလဲရ်ရွာအခြေစိုက် စစ်ကောင်စီအခြေစိုက် တပ်စခန်းကို CNA/CDF – Thantland သိမ်းပိုက်

မြန်မာ-အိန္ဒိယနယ်စပ်၊ ချင်းပြည်နယ်၊ ထန်တလန်မြို့နယ်အတွင်းရှိ လုံလဲရ်ရွာအခြေစိုက် စစ်ကောင်စီအခြေစိုက် တပ်စခန်းကို CNA/CDF - Thantland အဖွဲ့က စက်တင်ဘာလ ၁၁ ရက် မနေ့ ည ၇ နာရီ ၄၅ မိနစ်မှာ အင်အား ၄၀၀ ဝန်းကျင်နဲ့ တိုက်ခိုက်ခဲ့ပြီး ည ၉ နာရီခွဲမှာ စခန်းတစ်ခုလုံးကို သိမ်းပိုက်နိုင်ခဲ့တယ်လို့ သိရပါတယ်။

သိမ်းပိုက်မှုအတွင်း စစ်ကောင်စီဘက်က စခန်းမှာရှိတဲ့ ရဲရောစစ်သားရောအကုန် သေဆုံးသွားခဲ့တယ်လို့ CDF ပြောရေးဆိုခွင့်ရှိသူ ဘိုးရိစ် (Boris) က ဒီဗွီဘီသတင်းဌာနကို အတည်ပြု ပြောပါတယ်။

အဲဒီစစ်ကောင်စီတပ်စခန်းဟာ ချင်းပြည်နယ်မှာ အခိုင်မာဆုံးတပ်စခန်းတွေထဲက တစ်ခုဖြစ်ပြီး စစ်ကောင်စီဘက်ကလည်း စက်တင်ဘာ ၁၂ ရက်နေ့အထိ လေယာဉ်နဲ့လာရောက် ထောက်လှမ်းခဲ့ပါတယ်။

အဲဒီတိုက်ပွဲအတွင်း CNA/CDF - Thantland အဖွဲ့ဘက်က ကျဆုံးခဲ့တဲ့သူမရှိဘဲ  ၈ ယောက် ဒဏ်ရာရရှိခဲ့ပြီး လက်နက်ခဲယမ်းတွေကို သိမ်းဆည်းရမိခဲ့ကာ စခန်းကို မီးရှို့ဖျက်ဆီးခဲ့တယ်လို့  အဲဒီအဖွဲ့က စက်တင်ဘာလ ၁၂ ရက်နေ့ ညနေမှာ သတင်းထုတ်ပြန်ပါတယ်။ 

လုံလဲရ်ရွာအခြေစိုက် စစ်ကောင်စီတပ်စခန်းကို စက်တင်ဘာလ ၁၀ ရက်နေ့က အင်အား ၂၀၀ ကျော်နဲ့ စတင်တိုက်ခိုက်ခဲ့ပြီး အာဏာသိမ်းစစ်ကောင်စီဘက်က တိုက်လေယာဉ်အသုံးပြုတိုက်ခိုက်ခဲ့တာကြောင့် ပြန်လည်ဆုတ်ခွာပေးခဲ့တယ်လို့ CNA/CDF - Thantland အဖွဲ့တာဝန်ရှိသူက ဆိုပါတယ်။

တိုက်ပွဲအတွင်း ထိခိုက် သေဆုံးမှုအခြေအနေနဲ့ ပတ်သက်ပြီး စစ်ကောင်စီဘက်ကတော့ သတင်းထုတ်ပြန်တာ မရှိသေးပါဘူး။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up