စစ်ကိုင်းတိုင်း၊ တမူးမြို့မှာ စစ်တပ်က ဖမ်းဆီးခေါ်ဆောင်သွားတာခံရတဲ့ အမျိုးသားတစ်ယောက်ရဲ့ အလောင်းကို စက်တင်ဘာ ၁၁ ရက် မနက်ပိုင်းက  ဒေသခံတွေ တွေ့ရှိခဲ့ပါတယ်။

ဂေါ်ရခါးလူမျိုး ကိုရာဂျား ဆိုသူကို စက်တင်ဘာ ၁၀ ရက် ည ၁၀ နာရီလောက်က  စစ်ကောင်စီက ဖမ်းဆီးခေါ်ဆောင်သွားခဲ့တာပါ။

ဒီနေ့ မနက်ပိုင်းမှာတော့ သူ့ကို စော်ဘွားရပ်ကွက်၊ မြေနီကုန်းဘုန်းကြီးကျောင်းအနီးမှာ  အလောင်းပဲ ပြန်လည်တွေ့ရှိခဲ့တာဖြစ်တယ်လို့ ဒေသခံတွေက ပြောပါတယ်။

သေဆုံးသူရဲ့ခန္ဓာကိုယ်မှာ ရိုက်နှက်ခံရတဲ့ ဒဏ်ရာတွေအပြင် ကျည်နဲ့ ပစ်ခံရတဲ့ ဒဏ်ရာတွေပါ တွေ့ရှိရတယ်လို့ မိသားစုနဲ့ နီးစပ်သူတွေက ပြောပါတယ်။

စန္ဒကူးရပ်ကွက်မှာနေထိုင်တဲ့  ကိုရာဂျားဟာ သူငယ်ချင်းအိမ်ကနေ ပြန်လာချိန် ကင်းလှည့်နေတဲ့ အကြမ်းဖက်စစ်ကောင်စီအဖွဲ့ဝင်တွေရဲ့ ဖမ်းဆီးတာခံလိုက်ရတာ ဖြစ်ပါတယ်။