ကရင်နီ (ကယား) ပြည်နယ်၊ ဘောလခဲမြို့နယ် နန်းဖဲကျေးရွာနီး စက်တင်ဘာ ၉ ရက်နေ့က စစ်ကောင်စီတပ်တွေရဲ့ လက်နက်ကြီးနဲ့ပစ်ခတ်မှုကြောင့် နှမ်းခုတ်နေတဲ့ အရပ်သား အမျိုးသမီး ၁ ဦး ကျဉ်ထိမှန် သေဆုံးပြီး ၄ ဦး ဒဏ်ရာရရှိခဲ့ပါတယ်။
ဒဏ်ရာရသူ ၄ ဦးထဲက ၁ ဦးမှာ ဒဏ်ရာပြင်ထန်နေကြောင်း ကရင်နီအမျိုးသားကာကွယ်ရေးတပ် (KNDF) က သတင်းထုတ်ပြန်ထားပါတယ်။
မနေ့ညကလည်း ဒီးမော့ဆိုမြို့နယ် ရဲစခန်းနဲ့ ဒီးမော့ဆိုအခြေစိုက်တပ်ရင်းတွေကနေ လက်ကြီး၊ လက်နက်ငယ်တွေနဲ့ ရမ်းသမ်းပစ်ခတ်မှုကြောင့် ငွေတောင်ကျေးရွာနဲ့ ဒီးမော့ဆိုရပ်ကွက်တွေထဲမှာ လက်နက်ကြီးကျည် ကျရောက်ပေါက်ကွဲမှု ဖြစ်ပွားခဲ့တယ်လို့ ဆိုပါတယ်။
စစ်ကောင်စီအနေနဲ့ ဒီးမော့ဆိုကျေးရွာအုပ်တွေမှာ တပ်တွေဖြန့်ထားသလို လက်နက်ကြီးတွေနဲ့ ဆက်တိုက်ပစ်ခတ်နေပမယ့် နှစ်ဖက်ထိတွေ့တိုက်ပွဲ မရှိသေးဘူးလို့ KNDF က ထုတ်ပြန်ထားပါတယ်။
ဒဏ်ရာရသူများကို ဆေးရုံတင်ပို့စဉ် (ဓာတ်ပုံ - ထာဝရတွဲလက်များ)
