တနင်္သာရီတိုင်းပြည်သူ့ကာကွယ်ရေးတပ်အင်အား ၁၀၀ NUG ကာကွယ်ရေးဝန်ကြီးဌာနသို့ ပူးပေါင်း

တနင်္သာရီတိုင်း ပြည်သူ့ကာကွယ်ရေးတပ် Tanintharyi Defense Force (TDF) ဟာ စစ်သည်အင်အား ၁၀၀ နဲ့ အမျိုးသားညီညွတ်​​ရေးအစိုးရ၊ ကာကွယ်​​​ရေးဝန်ကြီး ဌာန၊​ တောင်ပိုင်းတိုင်း စစ်ဌာနချုပ်ကို ဒီနေ့ ဝင်​ရောက်ပူး​ပေါင်းလိုက်ပါတယ်။

“မိမိတို့သည် စစ်အာဏာရှင်စနစ်ကျရှုံး​ရေးအတွက် အမျိုးသားညီညွှတ်​ရေးအစိုးရရဲ့ ကာကွယ်​ရေးဆိုင်ရာမူဝါဒများနှင့်အညီ လိုက်နာ​ဆောင်ရွက်သွားမည်ဖြစ်ပြီး အကြမ်းဖက် စစ်​ကောင်စီကို အစွမ်းကုန် တွန်းလှန်​ခြေမှုန်းသွားမှာဖြစ်​ကြောင်း ထပ်​လောင်း အသိ​ပေး အပ်ပါတယ်။”

ပြည်သူ့ကာကွယ်ရေးအဖွဲ့(TDF) ရဲ့ အရန်တပ်တွေအနေနဲ့ တိုင်းဒေသကြီးအတွင်းရှိ ပြည်သူ့ကာကွယ်ရေးအဖွဲ့တွေနဲ့  ပူးပေါင်းဆောင်ရွက်သွားမယ်လို့ ဆိုပါတယ်။

စက်တင်ဘာ ၇ ရက်နေ့ဟာ နွေဦးတော်လှန်ရေးရဲ့ စစ်ဆင်ရေးစတင်တဲ့နေ့ D-Day အဖြစ် အမျိုးသားညီညွတ်ရေးအစိုးရက စတင်ကြေညာထားပါတယ်။

ဒါကြောင့် နိုင်ငံတဝန်းက ပြည်သူတွေအနေနဲ့ စစ်ကောင်စီနှင့်ပူးပေါင်းဆောင်ရွက်ခြင်း မပြုကြဖို့၊ ဝန်ထမ်းများအနေနဲ့ ရုံးလုပ်ငန်းဆိုင်ရာယန္တရားတွေ လည်ပတ်ခြင်းမပြုဖို့၊ စစ်ကောင်စီခန့် အုပ်ချုပ်ရေးမှူးများ အမြန်နုတ်ထွက်ကြဖို့ ရဲနဲ့တပ်မတော်သားတွေ ပြည်သူ့ရင်ခွင် အမြန်ဆုံးခိုလှုံကြဖို့ စစ်ရေးကာလအတွင်း ပြည်သူတွေအနေနဲ့ ရိက္ခေနဲ့ ဆေးဝါးတွေ စုဆောင်းထားကြဖို့ နှိုးဆော်ထားပါတယ်။

အထက်ပါ အသိပေးချက်တွေ လိုက်နာဆောင်ရွက်ခြင်းမရှိတဲ့ စစ်ကောင်စီ၏ယန္တရားတွေကို ထောက်ကူလည်ပတ်စေနိုင်တဲ့ ဝန်ထမ်းတွေ၊ အုပ်ချုပ်ရေးမှူးတွေ၊ ဒလန်တွေကို TDF ရဲ့ အရန်တပ်ဖွဲ့တွေအနေနဲ့ ပြင်ပကနေ  အရေးယူဆောင်ရွက်သွားမယ်လို့ ထုတ်ပြန်ချက်မှာ ဖော်ပြထးပါတယ်။

More News
Up