စစ်ကိုင်းတိုင်း၊ ရွှေဘိုမြို့ ပြည်သူ့ကာကွယ်ရေးအဖွဲ့ SMATH (သိန်းငှက်) အဖွဲ့နဲ့ ခင်ဦးမြို့ ကာကွယ်ရေးအဖွဲ့ ခင်ဦးစားချစ်ညို တို့နှစ်ဖွဲ့ မဟာမိတ်အဖြစ်ပူးပေါင်းပြီး ရွှေဘိုခရိုင်အတွင်းက စစ်ကောင်စီတပ်တွေကို ချေမှုန်းသွားမယ်လို့ စက်တင်ဘာလ ၇ ရက်နေ့က ပူးပေါင်းကြေညာလိုက်ပါတယ်။
ရွှေဘိုမြို့ ပြည်သူ့ကာကွယ်ရေးအဖွဲ့ (သိန်းငှက်) မြေအောက်တော်လှန်ရေးအဖွဲ့ဟာ ရွှေဘိုမြို့နယ်အနှံ့ စစ်ကောင်စီနဲ့ ဆက်နွှယ်တဲ့ အဆောက်အဦတွေကို အဓိကထား ဖောက်ခွဲရေး လုပ်ကိုင်နေခဲ့တာ ဖြစ်ပါတယ်။
ခင်ဦးစားချစ်ညို မြေအောက်တော်လှန်ရေးအဖွဲ့ကတော့ စစ်ကောင်စီအထောက်အပံ့ပေးနေ သူတွေနဲ့ စစ်ကောင်စီဝန်ထမ်းတွေကို ချေမှုန်းနေတဲ့အဖွဲ့တို့ ဖြစ်ပြီး D Day သတ်မှတ်ပြီး နောက်ပိုင်း ထိရောက်တဲ့တိုက်ခိုက်မှုတွေ ပြုလုပ်နိုင်ဖို့အတွက် အခုလို ပူးပေါင်းခဲ့တာလို့ သိရပါတယ်။
အမျိုးသားညီညွှတ်ရေးအစိုးရ (NUG) က D Day သတ်မှတ်ခဲ့ ပြီးနောက် ရွှေဘိုခရိုင်အတွင်းမှာ ပထမဆုံးပူးပေါင်းတဲ့အဖွဲ့လည်း ဖြစ်ပါတယ်။
