တန့်ဆည်မြို့တွင် စစ်ယာဉ်တန်း မိုင်းဆွဲတိုက်ခိုက်ခံရ၊ စစ်ကား ၁ စီး ပျက်စီး

စစ်ကိုင်းတိုင်း တန့်ဆည်မြို့အနောက်ဘက် နှစ်မိုင်ခန့်အကွာ ဝါးရငယ်မူးဘောင်အတက်မှာ စက်တင်ဘာ ၃ ရက် မနက် ၄ နာရီလောက် ကံထူးမကနေ တန့်ဆည်ဘက်ကို ပြန်တက်လာတဲ့ စစ်ကား ၄ စီး မိုင်းဆွဲတိုက်ခိုက်ခံရတယ်လို့ ဒေသခံတွေက ပြောပါတယ်။

ဒေသခံတစ်ဦးက “ဝါးရငယ် မူးဘောင်အတက်မှာ မိုင်းကွဲသံ ၁ ချက်ကြားရတယ်။ အဲဒီနောက် သေနတ်ပစ်သံတွေကြားရပြီး နောက်ထပ်ပေါက်ကွဲသံ ၄ ချက်ထပ်ကြားရတယ်။ စစ်ကားတစ်စီး ပျက်စီးသွားတယ်လို့ သိရတယ်။ ထိခိုက်ကျဆုံးတာတော့ မသိရသေးဘူး။ စစ်သားတွေလည်း ခြေလျင်ဆင်းလျှောက်သွားနေကြတယ်” လို့ ပြောပါတယ်။

တန့်ဆည်မြို့နယ်အတွင်းမှာ စစ်တပ်က စစ်အင်အားအလုံးအရင်းနဲ့ ဝင်ရောက်စီးနင်းတာ တွေ လုပ်ခဲ့လို့ အရပ်သား ၄ ဦး သေဆုံး၊ ၃ ဦး ပျောက်ဆုံးနေပြီး ၁၂ ဦး လည်း ဖမ်းဆီးခံထားရတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up