စစ်ကိုင်းတိုင်း၊ ရေဦးမြို့မှာ ဩဂုတ် ၂၉ ရက် မနက် ၉ နာရီလောက်က မုံရွာ-ရေဦးကားလမ်း ရေဦးမြို့အဝင်ဆိုင်းဘုတ်အနီးမှာ ဗုံး ၂ လုံး ပေါက်ကွဲခဲ့တယ်လို့ မြို့ခံတစ်ဦးက ပြောပါတယ်။
“ပေါက်ကွဲခဲ့တာက ၂ နေရာဗျ၊ မြို့ဝင်ဆိုင်းဘုတ်ရဲ့ခြံထောင့်မှာ တနေရာနဲ့ဆိုင်းဘုတ်ဘေးက ကတ်တုံး အုတ်တန်းဘေးမှာတနေရာ ပေါက်ကွဲခဲ့တာ”လို့ မြို့ခံတစ်ဦးက ပြောပါတယ်။
ဗုံးပေါက်ကွဲမှုမှာ လူတွေ တစ်ဦးတစ်ယောက်မှ ထိခိုက်ဒဏ်ရာရတာမရှိဘူးလို့ သိရပြီး ဘယ်အဖွဲ့က ဖောက်ခွဲခဲ့တယ်ဆိုတာတော့ မသိရသေးပါဘူး။
ရေဦးမြို့မှာ ညဘက် ဗုံးပေါက်ကွဲမှုကို မကြာခဏဖြစ်ပွားလေ့ရှိပြီး အခု နေ့ခင်းဘက်မှာ ပထမဆုံးပေါက်ကွဲမှု ဖြစ်ပါတယ်။