မင်းလှမြို့နယ်မှာ ကပစ ဝန်ထမ်း ၆ ဦးအပါဝင် ကိုဗစ်အတည်ပြု လူနာ ၃၉ ဦးထပ်တွေ့

မကွေးတိုင်း၊ မင်းလှမြိုနယ်မှာ သြဂုတ် ၂၁ ရက်က  ကာကွယ်ရေးပစ္စည်းစက်ရုံ(ကပစ) ၂ ရုံက ဝန်ထမ်း ၆ ယောက်အပါဝင် ကိုဗစ်-၁၉ အတည်ပြုလူနာ ၃၉ ယောက်တွေ့ရှိခဲ့တယ်လို့ ပရဟိတ အဖွဲ့တွေဆီက သိရပါတယ်။

မင်းလှမြို့နယ်ကျန်းမာရေးဌာနမှာ နေရပ်ပြန်တွေနဲ့ သံသယလူနာ ၁၀၇ ယောက်ကို RDT အမြန်စစ်ကိရိယာနဲ့စစ်ဆေးရာမှာ ကပစ(၂)က အမျိုးသားတစ်ယောက်၊ ကပစ(၁၀)က အမျိုးသား ၃ ယောက်နဲ့ အမျိုးသမီး ၂ ယောက်အပါဝင် အထက်မင်းလှမြို့ပေါ်နဲ့ ကျေးရွာအသီးသီးက ကိုဗစ်-၁၉ အတည်ပြုလူနာ ၃၉ ယောက်တွေရှိခဲ့တယ်လို့ ပရဟိတအဖွဲ့ဝင်တစ်ယောက် ကပြောပါတယ်။

အဲဒီကိုဗစ်ပိုးတွေ့လူနာတွေကို မင်းလှဆေးရုံ၊ မင်းလှကိုဗစ်စင်တာ၊ ရေနံမ ကိုဗစ်စင်တာနဲ့ ကပစ(၂)နဲ့ကပစ(၁၀)က ကိုဗစ်စင်တာတွေမှာ ကုသပေးနေတယ်လို့ ဆိုပါတယ်။

မင်းလှမြို့နယ်က စစ်ကောင်စီရဲ့လက်နက်တွေ ထုတ်လုပ်ပေးတဲ့ ကပစစက်ရုံနှစ်ရုံမှာ ဇူလိုင် ၂၀ ရက်ကနေ သြဂုတ် ၂၁ ရက်အထိ ကိုဗစ်ရောဂါ ကူးစက်ခံရသူ ၂၀၀ ယောက် နီးပါးရှိတယ်လို့ ပြောပါတယ်။

မင်းလှမြို့နယ်မှာ သြဂုတ် ၂၁ ရက်နေ့အထိ ကိုဗစ်ရောဂါကူးစက်ခံရသူ ၁၇၃၄ ယောက်အနက် ဆေးရုံဆင်းခွင့်ရရှိသူ ၁၃၇၄ ယောက်ရှိကာ သေဆုံးတဲ့သူ ၄၉ ယောက်ရှိတယ်လို့ ကျန်းမာရေးဌာနရဲ့ထုတ်ပြန်ချက်တွေအရ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up