မုံရွာမြို့ အကောက်ခွန်ရုံးအတွင်း ဗုံးပေါက်ကွဲ
DVB
·
August 16, 2021
စစ်ကိုင်းတိုင်း၊ မုံရွာမြို့ ကမ်းနားလမ်း Denko ဆီဆိုင်အနီးမှာရှိတဲ့ အကောက်ခွန်ရုံး အတွင်းမှာ ဩဂုတ်လ ၁၆ ရက် ဒီညနေ ၃ နာရီခွဲ၀န်းကျင်က ဗုံးပေါက်ကွဲတယ်လို့ သလ္လာရဝတီရပ်ကွက်နေပြည်သူတွေထံက သိရပါတယ်။
“ကျနော် အသံအကျယ်ကြီး ကြားလိုက်ရတာက အကောက်ခွန်ရုံးအတွင်းကဗျ။ အထိအခိုက်ရတာကတော့ သွားကြည့်လို့ မရဘူး။ အိမ်အပြင်မထွက်ရ အမိန့်ကလည်း ရှိသေးတယ်လေ။ မနက် ၁၀ နာရီကနေ ညနေ ၄ နာရီအထိ အိမ်အပြင်မထွက်ရအမိန့်ချတာ ၃ ရက်တောင်ရှိနေပြီဗျ”လို့ ရပ်ကွက်နေပြည်သူတစ်ဦးက ပြောပါတယ်။
ဒီကနေ့ မနက်ပိုင်းကလည်း မုံရွာမြို့အထွက် စစ်ဆေးရေးဂိတ်အနီးမှာ ဗုံးပေါက်ကွဲမှု တစ်ကြိမ်ဖြစ်ပွားခဲ့ပြီး စစ်ကောင်စီလက်နက်ကိုင်တပ်ဖွဲ့ဝင် အနည်းဆုံး ၃ ယောက်လောက် ထိခိုက်မှုရှိခဲ့တယ်လို့ သိရပါတယ်။
