ကောလင်းမြို့အဝင် စစ်ဆေးရေးဂိတ်တွင် ဗုံးခွဲခံရသဖြင့် ဒုရဲအုပ် ၁ ဦးသေဆုံး၊ ၃ ဦးဒဏ်ရာရ

စစ်ကိုင်းတိုင်း ကောလင်းမြို့အဝင် ကြူတောစစ်ဆေးရေးဂိတ်အနီးမှာ ဩဂုတ် ၉ ရက်နေ့ မနက် ၉ နာရီလောက်က ဗုံးခွဲခံရပြီး ဒုရဲအုပ် ၁ ဦးသေဆုံးကာ ရဲတပ်သား ၃ ဦး ဒဏ်ရာရတယ်လို့ ဒေသခံတွေက ပြောပါတယ်။

ဒေသခံတစ်ဦးက “ဒီနေ့ ဩဂုတ်လ ၉ ရက်နေ့ မနက် ၉ နာရီလောက်မှာ ပေါက်ကွဲမှု ၂ ကြိမ် ဆက်တိုက်ပေါက်ကွဲဖြစ်တယ်။ ကျနော်တို့ ကောလင်းမြို့ဝင်ဂိတ်နားမှာပေါက်တာ။ ခဏနေတော့ ကူညီကယ်ဆယ်ရေးကားတွေနဲ့ လာသယ်တာတွေတော့ မြင်ရတယ်။ အနီးကပ်တော့ သွားမကြည့်ရဲဘူး” လို့ ပြောပါတယ်။

ပေါက်ကွဲမှုမှုာ ဒုရဲအုပ် အောင်မျိုးသန့် ဆိုသူ သေဆုံးသွားပြီး ရဲတပ်သားမျိုးနိုင်၊ ရဲတပ်သားသိန်းထက်အောင်၊ ရဲတပ်သားကျော်ဇေယျတို့ ၃ ဦး ဗုံးစမှန်ဒဏ်ရာတွေ ရရှိခဲ့တယ်လို့ ကောလင်းရဲစခန်းနဲ့ နီးစပ်သူတွေဆီက သိရပါတယ်။

ကောလင်းမြို့အဝင် ကြူတောဂိတ်အဝင် ဖောက်ခွဲမှုအား ဘယ်အဖွဲ့အစည်းက ပြုလုပ်သွားတယ်ဆိုတာ အတိအကျမသိရသေးပါဘူးလို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up