တန့်ဆည်မြို့တွင် အမျိုးသား ၂ ဦး ခေါင်းဖြတ်အသတ်ခံရ

စစ်ကိုင်းတိုင်း၊ တန့်ဆည်မြို့အနောက်ဘက် ဝါးရငယ်မူးဘောင်တောင်အနီးမှာ  ဩဂုတ်လ ၄ ရက် ဒီနေ့မနက်ပိုင်းက ဦးခေါင်းဖြတ်အသတ်ခံထားရတဲ့ အမျိုးသား အလောင်းနှစ်လောင်းတွေ့ရတယ်လို့  ဒေသခံတွေဆီက သိရပါတယ်။

ဦးခေါင်းအဖြတ်ခံရသူတွေဟာ လူလတ်ပိုင်းအမျိုးသားတွေလို့သိရပြီး၊ ဘယ်သူဘယ်ဝါ အမည်မသိရသေးဘူးပါဘူး။

နွေဦးတော်လှန်ရေးတက်ကြွလှုပ်ရှားသူတစ်ဦးက “တန့်ဆည်မှာ ပျူစောထီး၊ ဒလန်စတဲ့အဖွဲ့တွေ ရောထွေးရှုပ်ယှက်ခက်နေတဲ့အခါကြတော့ ဘယ်အဖွဲ့ကလုပ်တယ်ဆိုတာတော့ မသိရဘူး။ ကျနော်တို့မြို့နယ်အနေနဲ့ ၈၈ တုန်းက ခေါင်းဖြတ်သတ်တယ်ဆိုတဲ့ အရိပ်မည်းကြီးကို အခု တော်လှန်ရေးကာလအထိ သယ်မလာချင်တော့လို့ ဒီလိုလုပ်နေတာကို အားလည်း မပေးဘူး လုပ်လည်း မလုပ်ဘူး”လို့ ပြောပါတယ်။

တန့်ဆည်မြို့မှာ အခုလိုခေါင်းဖြတ်အသတ်ခံရတာ ၅ ဦးလောက်ရှိသွားပြီဖြစ်ပြီး  ဘယ်အဖွဲ့ရဲ့ လက်ချက်ဖြစ်တယ်ဆိုတာတော့ အတိအလင်း ကြေညာတာ မတွေ့ရသေးပါဘူးတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up