စစ်ကိုင်းတိုင်း၊ မုံရွာမြို့မှာ ဩဂုတ် ၁ ရက်က သာစည်ဆည်အတွင်း ရေဆင်းချိုးတဲ့ အမျိုးသား တစ်ယောက် ရေနစ်သေဆုံးသွားပြီး မနေ့ညနေက အလောင်းပြန်ရှာဖွေတွေ့ရှိခဲ့ပါတယ်။
ညနေ ၄ နာရီလောက်မှာ အမျိုးသား ၂ ယောက်နဲ့ အမျိုးသမီး ၁ ယောက်တို့ ရေဆင်းချိုးကြရာမှာ အမျိုးသားတစ်ယောက်က ဆည်အတွင်း ဘောကွင်းလိုက်ဆယ်ယူရင်း ရေအလယ်မှာ ရေနစ်သွားတယ်လို့ ဒေသခံတစ်ဦးက ပြောပါတယ်။
ဆည်အတွင်းရေအနက်က ပေ၅၀ ဝန်းကျင်ရှိပြီး ဆည်ရဲ့ အလယ်အတွင်းပိုင်းမှာ လိုဏ်ခေါင်းရှိနေတာကြောင့် ကယ်ဆယ်ရေးလုပ်ဆောင်သူတွေ အခက်အခဲတွေ့ခဲ့ကြရပါတယ်။
သေဆုံးသူ အမျိုးသားရဲ့ ရုပ်အလောင်းကို သြဂုတ် ၂ ရက် ညနေ ၆ နာရီ ဝန်းကျင်မှာ တွေ့ရှိခဲ့ပြီး လှေသမားတစ်ဦးက ကျောက်ဆူးကြိုးနဲ့ ချိတ်ဆွဲရှာဖွေ တွေ့ရှိခဲ့တယ်လို့ မုံရွာမြို့ မြန်မာနိုင်ငံလူမှုကယ်ဆယ်ရေးအသင်းက ပြောပါတယ်။