အမှုအခင်းများတိုင်ကြားရန် ရက္ခိုင်အမျိုးသားအဖွဲ့ချုပ် (ULA) ဖိတ်ခေါ်

ရခိုင်ပြည်နယ်မှာ ဖြစ်ပွားနေတဲ့ အမှုအခင်းတွေနဲ့ပတ်သက်ပြီး တိုင်ကြားနိုင်တယ်လို့ ရက္ခိုင်အမျိုးသားအဖွဲ့ချုပ် (ULA) က ထုတ်ပြန်လိုက်ပါတယ်။

တိုင်ကြားရာမှာ မတရားခံရမှု၊ အကြမ်းဖက်မှု၊ ခိုးမှု၊ မြေယာပြဿနာ စတဲ့ အမှုတွေအပြင် တရားဉပဒေအဆုံးအဖြတ်ခံယူရမယ့် အမှုအခင်းအားလုံးကို ULAရဲ့ တရားရေးဌာနကို Email, Telegram, VK တို့က တဆင့် တိုင်ကြားနိုင်တယ်လို့ ထုတ်ပြန်ချက်မှာဖော်ပြထားပါတယ်။

ရခိုင်ပြည်နယ်မှာ ရက္ခိုင်အမျိုးသားအဖွဲ့ချုပ်/ရက္ခိုင်တပ်တော် ULA/AAရဲ့ အုပ်ချုပ်ရေး၊ တရားစီရင်ရေးယန္တရားက အားကောင်းနေပြီး တရားရုံးတွေကိုလည်းဖွင့်လှစ်စစ်ဆေးနိုင်နေပြီလို့ ဒေသတွင်း  နိုင်ငံရေးအသိုင်းနဲ့ အရပ်ဖက်အဖွဲ့တွေကလည်း  ပြောဆိုကြပါတယ်။

ဒါနဲ့ပတ်သက်လို့  အာဏာသိမ်းစစ်တပ်လက်အောက်ခံ  ပြည်နယ်စစ်ကောင်စီအဖွဲ့ကိုတော့ ဆက်သွယ် မေးမြန်းလို့မရသေးပါဘူး။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up