ကနီတွင် လက်ပြန်ကြိုးတုပ် အသတ်ခံထားရသည့် စစ်ရှောင်ပြည်သူအလောင်း ၅ လောင်း တွေ့ရှိ

စစ်ကိုင်းတိုင်း ကနီမြို့နယ် ဇီးပင်တွင်းရွာ အနောက် တောတိုက်မှာ ဇူလိုင် ၂၇ ရက်နေ့ မနက်ပိုင်းမှာ လက်ပြန်ကြိုးတုပ် အသတ်ခံထားရတဲ့ စစ်ဘေးရှောင်ပြည်သူ အလောင်း ၅ လောင်းကို ဒေသခံတွေ ရှာဖွေခဲ့တွေ့ရှိခဲ့ပါတယ်။

ကျင်းတူ မြှုပ်ထားတဲ့ အမျိုးသားအလောင်း ၄ လောင်းနဲ့အတူ ဇီးပင်မှာ ကြိုးဆွဲချ အသတ်ခံရတဲ့ အသက် ၆၀ အရွယ် အမျိုးသားတစ်ဦး အလောင်း ၁ လောင်းကို ရှာဖွေတွေ့ရှိခဲ့တယ်လို့ ဒေသခံတစ်ဦးက ပြောပါတယ်။

စစ်ကောင်စီ တပ်ဖွဲ့တွေက စစ်ဘေးရှောင်ပြည်သူတွေကို ဇူလိုင် ၂၆ ရက်နေ့ ဖမ်းဆီးသွားခဲ့ပြီးနောက် အခုလို အလောင်းတွေ ပြန်တွေ့တာလို့ ဒေသခံတဦးက ပြောပါတယ်။

“အခု သေဆုံးသူတွေကို လက်ပြန်ကြိုးတုပ်ပြီး ဖမ်းဆီးသတ်ဖြတ် ရိုက်နှက်တာ၊ သေနတ်ဒဏ်ရာတွေနဲ့ သေဆုံးနေတာကို တွေ့ခဲ့ရတယ်။”

မြေမြှုပ်ထားတဲ့ ကျင်းပေါင်း ၅ ကျင်းလောက် ရှိနေသေးတယ်။ စစ်ကောင်စီတပ်က မိုင်းတွေ ထောင်ထားခဲ့ပြီး လတ်တလော အခြေအနေအရ ကျန်တဲ့အလောင်းတွေဖော်ဖို့ အခက်အခဲရှိတဲ့အတွက် ဘယ်ဒေသကဆိုတာ မသိရသေးဘူးလို့ ဒေသခံတစ်ဦးက ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up