မြစ်ကြီးနားခရိုင်အတွင်း KTV၊ လောင်းကစားရုံအပါအဝင် ဆိုင်မျိုးစုံယာယီပိတ်ရန် KIO ညွှန်ကြား

ကချင်ပြည်နယ်အတွင်း ကိုဗစ်-၁၉ ရောဂါပိုး ကူးစက်ပြန့်ပွားမှုနှုန်း တိုးလာတာကြောင့် မြစ်ကြီးနားခရိုင်အတွင်း လူစုလူဝေး ပြုလုပ်တဲ့အစီအစဉ်တွေ၊ လောင်းကစားရုံတွေ၊ စားသောက်ဆိုင်တွေအပါအဝင် ဆိုင်မျိုးစုံ ယာယီပိတ်ထားဖို့ ကချင်လွတ်မြောက်ရေးအဖွဲ့ (ကေအိုင်အို) က ဒီနေ့ ထုတ်ပြန်လိုက်ပါတယ်။

မြစ်ကြီးနား ခရိုင်အတွင်း မြို့၊ ရွာတွေမှာ လူစုလူဝေးပြုလုပ်တဲ့အစီအစဉ်၊ လူစုလူဝေးပြုလုပ်နေတဲ့ စီးပွားရေးလုပ်ငန်း‌တွေ KTV၊ BAR၊ FUSAL CLUB၊ GYM၊ လောင်းကစားရုံ၊ စားသောက်ဆိုင်နဲ့ အခြားဆိုင်မျိုးစုံကို ကိုဗစ်-၁၉ ရောဂါ ပပျောက်ကင်းစင်လာတဲ့ အချိန်ထိ ရက်အကန့်အသတ်မရှိ ယာယီပိတ်ထားဖို့ ကေအိုင်အိုက ညွှန်ကြားလိုက်တာပါ။

ညွှန်ကြားချက် မလိုက်နာပါက သက်ဆိုင်ရာ အုပ်ချုပ်ရေးရုံး အဆင့်ဆင့်က‌နေ ထိရောက်စွာ အရေးယူပိတ်ပင်မှုတွေ ပြုလုပ်သွားမယ်လို့ အသိပေးထားပါတယ်။

မြန်ကြီးနား ခရိုင်အတွင်းမှာ ဇူလိုင် ၂၃ ရက်နေ့ တစ်နေ့တည်မှာပင် ကိုဗစ်-၁၉ ဓာတ်ခွဲအတည်ပြုလူနာ ၁၄၀ ကျော် ရှိခဲ့ပါတယ်။‌

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up