မော်လိုက်နှင့် ဂန့်ဂေါမြို့အနီး မြေငလျင်များလှုပ်ခတ်

စစ်ကိုင်းတိုင်း၊ မော်လိုက်မြို့အနီးနဲ့ မကွေးတိုင်း ဂန့်ဂေါမြို့တွေအနီးမှာ ဇူလိုင် ၁၅ ရက် ဒီမနက် အစောပိုင်းက အင်အားအနည်းငယ်ရှိတဲ့ မြေငလျင် ၂ ခု လှုပ်ခတ်သွားခဲ့တယ်လို့ မိုးဇလဌာနက ထုတ်ပြန်ပါတယ်။

ဒီနေ့မနက် ၃ နာရီ  ၄ မိနစ်ကျော်လောက်မှာ  ကန့်ဘလူမြေငလျင်စခန်းမှ အနောက်-အနောက်မြောက်ဘက် ၅၄ မိုင်ခန့်ကွာဝေးတဲ့ မြန်မာပြည်တွင်း မော်လိုက်မြို့ရဲ့  အရှေ့တောင်ဘက် ၂၂ မိုင်ခန့်အကွာ၊ အနက် ၇၄ ကီလိုမီတာကို ဗဟိုပြုပြီး  အင်အား ရစ်(ခ်)တာစကေး ၄ ဒသမ ၅ အဆင့်ရှိ အင်အားအနည်းငယ်ရှိ မြေငလျင်တစ်ခုလှုပ်သွားတယ်လို့ ဆိုပါတယ်။

အလားတူ ဒီနေ့မနက် ၂ နာရီ၊ မိနစ် ၄၀ ၊ ၅၂ စက္ကန့် အချိန်မှာ ဟားခါးမြေငလျင်စခန်းမှ အရှေ့တောင်ဘက် ၃၈ မိုင်ခန့်ကွာဝေးတဲ့ မြန်မာပြည်တွင်း ဂန့်ဂေါမြို့ရဲ့ မြောက်ဘက် ၁၉ မိုင်ခန့်အကွာ ၊ အနက် ၁၄ ကီလိုမီတာကို ဗဟိုပြုပြီး  အင်အား ရစ်(ခ်)တာစကေး ၄ အဆင့်ရှိ အင်အားအနည်းငယ်ရှိ မြေငလျင်တစ်ခု လှုပ်သွားတယ်လို့လည်း မိုးဇလက ထုတ်ပြန် ထားပါတယ်။

အဆိုပါ မြေငလျင်လှုပ်ခတ်မှုတွေကြောင့် ထိခိုက်ပျက်စီးမှု သတင်းတွေကတော့ မရရှိပါဘူး။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up