ကလေးမြို့ အေးရိပ်မွန်မိဘမဲ့ဂေဟာတွင် ကလေးငယ် ၃၄ ဦး ကိုဗစ်ပိုးတွေ့

စစ်ကိုင်းတိုင်း ကလေးမြို့မှာ အေးရိပ်မွန်မိဘမဲ့ဂေဟာ ကလေးငယ်တွေ ၃၄ ယောက် ကိုဗစ-၁၉ ကူးစက်ခံထားရတယ်လို့ ပရဟိတလုပ်ကိုင်နေသူတဦးက ပြောပါတယ်။

“မနေ့က စစ်ဆေးတယ်၊ ကလေးတစ်ယောက် စဖျားတယ်၊ ဆေးခန်းတွေပြသွားတယ်။ အဲဒါ နဲ့ RDT test kits စစ်ဆေးတယ်၊ ကိုဗစ်ပိုးတွေ့ခဲ့တယ်။ အဲဒီကလေးတွေ့တော့ ကျန်တဲ့ ကလေးတွေ အကုန်စစ်ဆေးတယ် ၃၄ ယောက် ကိုဗစ်ပိုးတွေ့တယ်။ အဲဒီမှာ ၄၁ ယောက်ရှိတယ်။ ၇ ယောက်ကတော့ ပိုးမတွေ့ဘူး။ အဲဒီမှာ ကုသတယ်၊ အဆောင်က ၂ ထပ်ရှိတာဆိုတော့ အေးရိပ်မွန်မှာထား ကုသနေတယ်။ ကျနော်တို့က အပြင်ကနေ လိုတာလုပ်ပေးနေတယ်” လို့ ပရဟိတလုပ်ကိုင်သူတစ်ဦးက ပြောပါတယ်။

ကလေးမြို့မှာ ဇူလှိုင် ၉ ရက်နေ့ မနက်ပိုင်းအထိ ကိုဗစ်ပိုးတွေ့လူနာ ၁၇၁၀ ဦး၊ သေဆုံးသူ ၆၆ ဦးနဲ့ ရောဂါသက်သာလို့ ဆေးရုံကဆင်းသူ ၁၀၇၀ ဦးရှိတယ်လို့ ကလေးမြို့ပြည်သူဆေးရုံစာရင်းအရ သိရပါတယ်။

ကိုဗစ်ပိုးတွေ့လူနာတွေထဲမှာ ဌာနပေါင်းစုံက ဝန်ထမ်းစုစုပေါင်း ၃၀၄ ဦး ကူးစက်ခံထားရတယ်လို့ ပရဟိတလုပ်ကိုင်သူက ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up