မှန်ကုန်တဲ့ နိုင်ငံရေး နည်းလမ်းတွေနဲ့ ညှိနှိုင်းဖို့ သန္နိဋ္ဌာန် ချထားကြောင်း သမ္မတ ပြော

အခြေခံဥပဒေ ပြင်ဆင်ရေးကို ဆောင်ရွက်တဲ့နေရာမှာ ဒီမိုကရေစီအရေးကို နှောင့်နှေးစေတဲ့ အစွန်းနဲ့ မြန်ဆန်းလွန်းတဲ့ အစွန်းနှစ်ပါးကို ရှောင်ရှားပြီး လက်တွေ့ နိုင်ငံရေး အခြေအနေကို ထင်ဟပ်တဲ့ စဉ်းစားတွေးခေါ်မှုတွေနဲ့ လုပ်ဆောင်သင့်တယ်လို့ သမ္မတ ဦးသိန်းစိန်က ပြောကြားလိုက်ပါတယ်။ thein seinသမ္မတအနေနဲ့ ဒီဇင်ဘာလအတွက် ပြည်သူလူထုကု ရေဒီယိုကနေ ပြောတဲ့ မိန့်ခွန်းမှာ ထည့်သွင်း ပြောဆိုသွားတာပါ။ ဒါ့အပြင် ဖွဲ့စည်းပုံ ပြင်ဆင်ရေးအတွက် လုပ်ဆောင်တဲ့နေရာမှာ လက်ရှိ နိုင်ငံရေး အပြောင်းအလဲနဲ့  အသွင် ကူးပြောင်းရေး လုပ်ငန်းစဉ်တွေကို အားဖြည့်ရာ ရောက်စေမယ့် ချဉ်းကပ်မှုမျိုး ရှိဖို့လို တယ်လို့ ပြောပါတယ်။ ငြိမ်းချမ်းရေးအတွက် ဆွေးနွေးတဲ့အခါမှာ တိုင်းရင်းသား တွေရဲ့ လိုလားချက်တွေကို မှန်ကုန်တဲ့ နိုင်ငံရေး နည်းလမ်းတွေနဲ့  ညှိနှိုင်းဖို့  အခိုင်အမာ သန္နိဋ္ဌာန် ချထားတယ်လို့  ဆိုပါတယ်။ လာမယ့် ဘားအံ ညီလာခံမှာ အစွန်းတရားကို ရှောင်နိုင်တဲ့ ဆွေးနွေးညှိနှိုင်းမှုတွေကနေ ရလဒ်ကောင်းတွေရပြီး ငြိမ်းချမ်းရေး တည်ဆောက်မှု လုပ်ငန်းတွေ အဆင့်လိုက် တိုးမြှင့် လုပ်ဆောင်သွားဖို့မျှော်လင့်ကြောင်း သမ္မတက ပြောဆိုသွားပါတယ်။

More News
Up