ဧရာဝတီတိုင်းတွင် တစ်ရက်တည်း ကိုဗစ်-၁၉ အတည်ပြုလူနာ ၂၄၁ ဦး တွေ့ရှိ

ဧရာဝတီတိုင်းဒေသကြီးမှာ ဇူလိုင် ၄ ရက်နေ့ ၁ ရက်တည်းမှာ ကိုဗစ်-၁၉ အတည်ပြုလူနာ ၂၄၁ ဦး ထပ်မံတွေ့ရှိတယ်လို့ စစ်ကောင်စီ ကျန်းမာရေးနဲ့ အားကစားဝန်ကြီးဌာနက သတင်းထုတ်ပြန်ပါတယ်။ 

ဧရာဝတီတိုင်းအတွင်း ကိုဗစ်ထပ်တိုး အတည်ပြုလူနာ ၂၄၁  ယောက်အနက်  ပုသိမ်မြို့က ၈၄ ဦး၊ ကန်ကြီးထောင့်မှာ ၄၁ ဦးနဲ့ သာပေါင်းမြို့မှာ ၂၂ ဦး အများဆုံး ပါဝင်နေတာပါ။

ကျန်မြို့နယ်တွေကတော့ ငပုတောမှာ ၂၁ ဦး၊ မအူပင်မှာ ၁၀ ဦး၊ ပန်းတနော်မှာ ၉ ဦး၊ ညောင်တုန်းနဲ့ မြောင်းမြမှာ ၈ ဦးစီ၊ ရေကြည်နဲ့ ကြံခင်းမှာ ၇ ဦးစီ၊ လပွတ္တာမှာ ၆ ဦး၊ မော်ကျွန်းနဲ့ ကျောင်းကုန်းမှာ ၅ ဦးစီ၊ ဝါးခယ်မမှာ ၃ ဦး၊ ဒေးဒရဲမှာ ၂ ဦး၊ ဟင်္သါတ၊ ဘိုကလေးနဲ့ အင်္ဂပူမှာ ၁ ဦးစီတွေ့ရှိခဲ့တာဖြစ်ပါတယ်။

ကိုဗစ်ရောဂါကူးစက်ခံရပြီး သေဆုံးလူနာထပ်တိုးတဲ့ မြို့နယ်တွေကတော့ ပုသိမ်မြို့မှာ ၁ ဦး သေဆုံးခဲ့တာဖြစ်ပြီး ဇူလိုင် ၅ ရက်နေ့ မနက်ပိုင်းက ဘုရားပေါ်မှာ အသက်ရှူကြပ်ပြီး အမျိုးသမီး ၁ ဦးထပ်မံသေဆုံးခဲ့ပါတယ်။

ရောဂါကူးစက်မှုနှုန်းမြင့်တက်နေတဲ့ ဧရာဝတီတိုင်းအတွင်းက ပုသိမ်၊ မြောင်းမြနဲ့ သာပေါင်းမြို့နယ်တွေကို Stay at Home မြို့တွေအဖြစ်သတ်မှတ်ကာ စာသင်ကျောင်းတွေနဲ့ စျေးတွေကိုတော့ ယာယီပိတ်ထားလိုက်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up