ကချင်ပြည်နယ်၊ ဟိုပင်မြို့နယ်၊ အင်းလေးကျေးရွာမှာ ဇွန် ၁၇ နေ့ခင်း ၁၂ နာရီခွဲလောက်က အခြေခံပညာ အလယ်တန်းကျောင်း(ခွဲ) မီးလောင်ခဲ့ပါတယ်။
မီးလောင်မှုကြောင့် အလျား ၁၂၀ ပေ၊ အနံ ၃၀ ပေ၊ အမြင့် ၁၈ ပေ လောက်ရှိတဲ့ သွပ်မိုး နံရံကပ် တစ်ထပ်ကျောင်းဆောင်တစ်လုံး မီးရှို့ ဖျက်ဆီးခံရလို့ မီးလောင်ခဲ့တာလို့ ဟိုပင် မီးသတ်ဦးစီးဌာန ဒုတပ်ကြပ် ညီညီလွင်က ပြောပါတယ်။
အဆိုပါ မီးလောင်ကျွမ်းမှု ဖြစ်စဉ်နဲ့ပတ်သက်ပြီး မီးရှို့ဖျက်ဆီးသူ( စုံစမ်းဆဲ)ကို ရာဇသတ်ကြီး ပုဒ်မ ၄၃၆ (ပ)၂၆/၂၀၂၁အရ အမှုဖွင့်အရေးယူထားတယ်လို့ ဟိုပင်မြို့မ ရဲစခန်းက သိရပါတယ်။
