မကွေးမြို့ သင်ကြားရေးဆေးရုံက ခွဲစိတ်ဆရာဝန်တစ်ဦးဟာ မေ ၂၆ ရက်နေ့ ညပိုင်းက အကြမ်းဖက်စစ်ကောင်စီတပ်က ပစ်ခတ်မှုကြောင့် ညာဘက်မျက်လုံး တစ်ဖက်ဆုံးရှုံးခဲ့တယ်လို့ သိရပါတယ်။
မကွေးမြို့ နတ်မောက်လမ်း လွှတ်တော်ရုံးရှေ့မှာ အကြမ်းဖက်စစ်ကောင်စီတပ်က ပစ်ခတ်လို့ ခွဲစိတ်ဆရာဝန် ဒေါက်တာဇရှိန်းရဲ့ ညာဘက်မျက်လုံးတစ်ဖက်ဆုံးရှုံးခဲ့တာလို့ ဆေးရုံဝန်ထမ်းတစ်ယောက်က ပြောပါတယ်။
ဒေါက်တာ ဇရှိန်းဟာ CDM လှုပ်ရှားမှုမှာ ပါဝင်ခြင်းမရှိဘဲ မြို့ထဲကနေ ဆေးရုံ ဝန်ထမ်းအိမ်ရာကို ပြန်အလာ လွှတ်တော်ရှေ့က အတားအဆီးတွေ ဝင်တိုက်မိပြီး စစ်တပ်က ရပ်ခိုင်းတာ မရပ်ပေးတာကြောင့် ပစ်ခတ်ခံခဲ့ရတာလို့ ဆိုပါတယ်။
အဲဒီခွဲစိတ်ဆရာဝန်ကို မကွေးစစ်ဆေးရုံကနေ နေပြည်တော်ကို လွှဲပြောင်းပေးလိုက်တယ်လို့ သင်ကြားရေးဆေးရုံဝန်ထမ်းတွေဆီကနေ သိရပါတယ်။