ဒီးမော့ဆိုမြို့၌ စစ်တပ်၏ ပစ်ခတ်မှုကြောင့်သေဆုံးခဲ့ရသူ၏ ဈာပန လူထုထောင်ချီပို့ဆောင်

ကယားပြည်နယ်၊ ဒီးမော့ဆိုမြို့မှာ အကြမ်းဖက်စစ်တပ်ရဲ့ ပစ်ခတ်မှုကြောင့် သေဆုံးသွားတဲ့  ဦးပေါလု​​ရဲ့ ဈာပန အခမ်းအနားကို  ဒီ‌ကနေ့ ဧပြီလ ၂၉ ရက်မှာ ပြုလုပ်ရာမှာ ဒေသခံ  မြို့ပြည်သူလူထု ထောင်နဲ့ချီပြီး လိုက် ပါပို့ဆောင်ပေးခဲ့ကြပါတယ်။

ဈာပနကို ကယားပြည်နယ်အတွင်းရှိ လက်နက်ကိုင်အဖွဲ့အစည်းတွေဖြစ်တဲ့ ကရင်နီလူမျိုးပေါင်း စုံလွတ်မြောက်ရေးတပ်မတော် က.လ.လ.တ ၊ ကယန်းပြည်သစ်နဲ့ ကယောနီ အဖွဲ့တို့ကလည်း လုံခြုံရေး ရယူပေးကာ ဈာပနအခမ်းအနားကို အောင်မြင်စွာပြီးဆုံးခဲ့ပါတယ်။

ပြီးခဲ့တဲ့ ဧပြီ ၂၇ ရက်က ဒီးမော့ဆိုမြို့နယ် စံပြ‌ ၆ မိုင် ကျေးရွာမှာ အတားအဆီးတွေကို စစ်တပ်က အင်းအားအများအပြားနဲ့လာရောက်ဖယ်ရှားစဉ် ကျေးရွာလူထုနဲ့ ထိပ်တိုက်တွေ့ပြီး   အကြမ်းဖက်စစ်တပ်က ပစ်ခတ်ခဲ့လို့ စံပြ ၆ မိုင်ကျေးရွာ ကယောပိုင်းနေ အသက် ၅၀ အရွယ် ဦးပေါလု​​ သေဆုံးခဲ့ရသလို ရွာသား  ၅ ဦးထက်မနည်း ဒဏ်ရာရရှိခဲ့ပါတယ်။

အကြမ်းဖက်စစ်တပ်ရဲ့ပစ်ခတ်မှုကြောင့် မြန်မာတနိုင်ငံလုံးမှာ  သေဆုံးသူပေါင်း ၇၀၀ ကျော်ရှိနေပြီဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up