မန္တလေးမြို့မှာ အာဏာသိမ်းစစ်ကောင်စီကိုအကာအကွယ်ပေးနေတဲ့ တရုတ်နိုင်ငံကို ရှုတ်ချတဲ့အနေနဲ့ ဆန္ဒပြပြည်သူတွေက ဒီကနေ့ ဧပြီ ၈ ရက်နေ့မှာ   တရုတ်သမ္မတရဲ့ ပုံတွေကို မီးရှို့ ဆန္ဒပြခဲ့ကြပါတယ်။

စစ်အာဏာရှင်စနစ်ပြုတ်ကျရေးအတွက် နေ့စဉ်အမြဲချီတက်ဆန္ဒပြနေတဲ့ မန္တလေး သံဃသမဂ္ဂစစ်ကြောင်းဟာလည်း ဒီကနေ့ မွန်းလွဲပိုင်းက ချီတက်ဆန္ဒပြခဲ့ကြပါတယ်။

မန္တလေး သံဃသမဂ္ဂစစ်ကြောင်းမှာ ကျောင်းတိုက်ပေါင်းစုံက ဆရာတော် သံဃာတော်တွေအပြင် လူငယ်လူရွယ်တွေပါ ပူးပေါင်းပါဝင်ခဲ့ပြီး စစ်အာဏာရှင်ကျဆုံးရေး၊ ဖက်ဒရယ်ဒီမိုကရေစီစနစ် ပေါ်ပေါက်ရေး၊ ဖမ်းဆီးခံထားရသူတွေ လွှတ်ပေးရေး စတာတွေကို ငြိမ်းချမ်းစွာတောင်းဆိုခဲ့ကြပါတယ်။