မကွေးတိုင်း၊ ဂန့်ဂေါနယ်၊ ရှုံးရှီရွာကို မတ် ၂ ရက်ညက ရဲနဲ့ စစ်ကား ၇ စီးရောက်ရှိလာပြီး ည ၁၀ နာရီလောက်မှာ ကျေးရွာပြည်သူတွေကို မျက်ရည်ယိုဗုံးတွေ၊ ကျည်အစစ်တွေနဲ့ ခြောက်လှန့်ပစ်ဖောက်ခဲ့လို့ ရွာသား ၄ ဦး ရာဘာကျည်ထိ မှန်ခဲ့ပါတယ်။
ဆန္ဒပြရာမှာ ဦးဆောင်သူလို့ ယူဆသူ ကျေးရွာသား ၈ ဦးကို လာဖမ်းပေးဖို့ သတင်းပေးသူရှိလို့ လာရောက် ဖမ်းဆီးခံရတာလို့ဆိုပါတယ်။
မနေ့ညဖြစ်စဉ်အတွင်း မြို့နယ်ရဲမှူး၊ စခန်းမှူး၊ ရဲအင်အား ၄၀ ခန့် ၊ စစ်သား ၃၀ ခန့်၊ စုစုပေါင်း ၇၀ ဦးကျော်ရှိပြီး ရဲယူနီဖောင်းဝတ် စစ်သားတွေလည်း ပါဝင်တယ်လို့ ဆိုပါတယ်။
ကျေးရွာပြည်သူအင်အားနဲ့ တန်ပြန်ပိတ်ဆို့ရာကနေ ရဲ၊ စစ်သားတွေက မျက်ရည်ယိုဗုံး၊ ရာဘာကျည်၊ ကျည်အစစ်တွေ ၁၀ နာရီကနေ ပစ်ဖောက်ခဲ့တာပါ။
ဒါ့အပြင် လမ်းတလျှောက် ဂန့်ဂေါမြို့အတွင်းအထိ ည ၂ နာရီလောက် အထိ သေနတ်နဲ့ အချက်ပေါင်းများစွာ ပစ်ဖောက်သွားတယ်လို့ မျက်မြင်တွေ့သူတွေက ပြောပြပါတယ်။